ئه‌ڤرۆ نيوز فۆرما پێشكێشكرنا سكالايێن دژى وه‌به‌رهێنه‌رێن شوقان به‌لاڤ دكه‌ت
ئه‌ڤرۆ نيوز:
سەرۆکێ دەستەیا وەبەرھێنانێ ل ھەرێما کوردستانێ رێبوار خەلیل ھدایەت دیارکر کو ب رێیا پرکرنا فۆرمەکێ وەلاتی دێ شێن سکالایێن خوە ل دۆر کێشێن پرۆژێن وەبەرھێنانێ و ب تایبەتی یەکەیێن ئاکنجیبوونێ بگەھیننە دەستەیێ، گۆت ژی دەستەیا وەبەرھێنانێ دێ وان سکالایان پۆلین کەت و رێکارێن قانوونی ل دۆر وان وەرگریت.
رێبوار خەلیل ھەروەسا گۆت دەستەیا وەبەرھێنانێ پشت بەستن ب بریارا ھژمار ٢٠٤ یا جڤاتا بلند یا وەبەرھێنانێ دێ ڤان سکالایان وەرگریت و ب رێیێن قانوونی دووڤچوونێ بۆ کەت، گۆت ژی ئەڤ فۆرمێن سکالایان دێ ل فەرمانگەھا ڤەکۆلین و زانیاریان ل دیوانا دەستەیێ و ل رێڤەبەریێن گشتی یێن ھەولێر و دھۆک و سلێمانیێ ژی دێ ل رێڤەبەریێن زانیاری و ڤەکۆلینان فۆرما سکالایێ ھێنە بەلاڤ کرن.
سەرۆکێ دەستەیا وەبەرھێنانێ ل ھەرێما کوردستانێ ئەو ژی دیارکر کو ھەکە وەبەرھێنەران ژی سکالا ھەبن ئەو ژی دشێن بێنە دیوانا دەستەیێ و سکالایا خوە ل سەر فۆرمەکا تایبەت تۆمار بکەن و دێ دووڤچون بۆ سکالایێن وان ژی ھێتە کرن.
