ئه‌ڤرۆ و سوبه‌هى ئه‌ڤ جهه دێ مووچه‌ى وه‌رگرن
ئه‌ڤرۆ نيوز:
بڕياره ئه‌ڤرۆ و سوبه‌هى ژى پرۆسا به‌لاڤكرنا مووچێ هه‌يڤا ئيلۆنێ يێ فه‌رمانبه‌رێن حوكمه‌تا هه‌رێما كوردستانێ يێ به‌رده‌وام بيت.
ب گوره‌ى هنده‌ك پێزانينان كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ب ده‌ست ئه‌ڤرۆ نيوز كه‌فتينه، بڕياره ئه‌ڤرۆ رۆژا دوشه‌مبى رێكه‌فتى 10ى كانوونا ئێكێ 2018 مووچێ وه‌زاره‌تا ساخله‌ميێ بهێته به‌لاڤكرن.
هه‌ر ب گۆره‌يى وان پێزانينان ژى بڕياره سوبه‌هى رۆژا سێشه‌مبى رێكه‌فتى 11ى كانوونا ئێكێ 2018 مووچێ هه‌يڤا ئيلۆنێ يێ وه‌زاره‌تا كاروبارێن شه‌هيدان و ئه‌نفالكريان و كه‌سوكارێن شه‌هيد و ئه‌نفالكريان و زيندانيێن سياسى بهێته به‌لاڤكرن.
هه‌تا نوكه ژ لايێ وه‌زاره‌تا دارايى و ئابوورى يا حوكمه‌تا هه‌رێما كوردستانێ نه‌هاتيه ئێكلاكرن كا هه‌ر سێ مووچێن مايێن يێن ئه‌ڤ ساله دێ بنه پاشكه‌فت يان ژى ل سه‌رێ سالا نوو ژى دێ به‌رده‌واميێ ده‌نه به‌لاڤكرنا مووچان.
