ئه‌ڤرۆ و سوبه‌هى مووچێ ڤان جهان دێ هێته وه‌رگرتن
ئه‌ڤرۆ نيوز:
بڕياره ئه‌ڤرۆ و سوبه‌هى ژى چه‌ند وه‌زاره‌ت و جهێن دى، مووچێ هه‌يڤا ئيلۆنێ وه‌ربگرن.
ب گوره‌ى هنده‌ك پێزانينان كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ب ده‌ست ئه‌ڤرۆ نيوز كه‌فتينه، بڕياره ئه‌ڤرۆ رۆژا سێشه‌مبى رێكه‌فتى 11ى كانوونا ئێكێ 2018 مووچێ هه‌يڤا ئيلۆنێ يێ وه‌زاره‌تا كاروبارێن شه‌هيدان و ئه‌نفالكريان و كه‌سوكارێن شه‌هيد و ئه‌نفالكريان و زيندانيێن سياسى بهێته به‌لاڤكرن.
هه‌ر ب گۆره‌يى وان پێزانينان ژى بڕياره سوبه‌هى رۆژا چارشه‌مبى رێكه‌فتى12ى كانوونا ئێكێ 2018 مووچێ هه‌يڤا ئيلۆنێ يێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا دارايى و ئابوورى ل حوكمه‌تا هه‌رێما كوردستانێ بهێته به‌لاڤكرن.
هه‌تا نوكه ژ لايێ وه‌زاره‌تا دارايى و ئابوورى يا حوكمه‌تا هه‌رێما كوردستانێ نه‌هاتيه ئێكلاكرن كا هه‌ر سێ مووچێن مايێن يێن ئه‌ڤ ساله دێ بنه پاشكه‌فت يان ژى ل سه‌رێ سالا نوو ژى دێ به‌رده‌واميێ ده‌نه به‌لاڤكرنا مووچان.
