ئه‌ڤرۆ يانا زاخۆ دێ دووماهى يارى دخۆلا عيراقێ دا ئه‌نجام ده‌ت
ئه‌ڤرۆنيوز:
دچارچۆڤێ گه‌را دووماهيێ ژ خۆلا عيراقێ يا يانێن پلا ناياب، ئه‌ڤرۆ ئێڤارى يانا زاخۆ دێ بيته مێهڤانا يانا ديوانيه ل به‌غدا.
يانا زاخۆ نوكه ل رێزا 19 وبه‌رى دووماهيێ ب 25 خالان دهێت، د ڤى وه‌رزى دا يانا زاخۆ 37 يارى ئه‌نجام داينه كو تێدا پێنج سه‌ركه‌فتن و12 وه‌كهه‌ڤى و20 دوراندن تۆماركرينه.
كو تێدا 27 خال كۆمكرينه، به‌لێ ژبه‌ر سزايه‌كا ئێكه‌تيا نێڤده‌وله‌تى يا ته‌پا پێ (فيفا) ل سه‌ر يانا زاخۆ ژبه‌ر نه ئه‌داكرنا گۆژمێ پارێ ياريكه‌ره‌كێ پێشه‌كار، 3 خال ژ يانا زاخۆ هاتينه كێمكرن وخالێن وێ بووينه 24 خال.
چاره‌نڤيسێ مانا يانا زاخۆ د خۆلا پلا ناياب دا يا گرێداى ئه‌نجامێ وێ يێ ئه‌ڤرۆيه وئه‌نجامێ ياريا هه‌ردو يانێن كه‌ربه‌لا وئه‌لحوسه‌ينه، هه‌كه يانا زاخۆ ب سه‌ركه‌ڤيت ويانا كه‌ربه‌لا ژى سه‌ركه‌فتنێ ل سه‌ر يانا ئه‌لحوسه‌ين تۆمار بكه‌ت، يانا زاخۆ دێ مانا خوه دخۆلا ناياب دا مسوگه‌ر كه‌ت.
يانا زه‌ورا قاره‌مانيا خۆلا عيراقێ يا ئه‌ڤ ساله مسوگه‌ر كريه ونوكه 88 خال يێن هه‌ين.
