ئه‌ڤرۆ پرۆسێسا هه‌لبژارتنان ئه‌ندامێن كۆنگره‌یێ پارتی دێ ب دووماهی هین
ئه‌ڤرۆ:
جێگرێ سه‌رۆكێ لیژنه‌یا به‌رهه‌ڤكارا كۆنگره‌یێ 14 یێ پارتی دیموكراتی كوردستان راگه‌هاند، رۆژا سێشه‌مبی 11/10/2022 پرۆسا هه‌لبژارتنا نوونه‌رێن كۆنگره‌ی دێ ب دووماهی هین و به‌رهه‌ڤیێن بۆ ده‌ستپێكرنا كرنگره‌ی دێ ده‌ستپێكه‌ن.
نه‌جات حه‌سه‌ن، جێگرێ سه‌رۆكێ لیژنه‌یا به‌رهه‌ڤكارا كۆنگره‌یێ 14 یێ پارتی گوت” هه‌لبژارتنا نوونه‌ران ل هه‌موو رێكخستنێن مه ل ناڤخوه و ده‌رڤه‌ی هه‌رێما كوردستانێ یا ب دووماهی هاتی و ئه‌ڤرۆ دێ دووماهی رۆژ بیت كو دو بازنه یێن ماین ئێك ل هه‌ولێرێ و ئێك ژی ل دهۆكێ و ئه‌ڤرۆ هه‌لبژارتن ل وان هه‌ردو بازنه‌یان ژی دێ هێنه ئه‌نجامدان”.
هه‌روه‌سا گوت ژی” ژ نوكه و پێڤه دێ مژوولی رێكخستنا كارێن دی یێن گۆنگره‌ی بین” هه‌روه‌سا ئاماژه‌كر” پێدڤیه هه‌موو ئه‌ندامێن گۆنگره‌ی هه‌ردو ژه‌مێن ڤاكسینا كورۆنا وه‌رگرتبن”.
ل رۆژا 27/10/2022 هه‌لبژارتنێن ناڤخوه‌یی یێن پارتی دیموكراتی كوردستان بۆ گۆنگره‌یێ 14 ده‌ستپێكربوون، ئه‌ندامێن كۆنگره‌ی ب ڕێیا ئۆرگانێن پارتی هاتینه هه‌لبژارتن و نێزیكی 800 ئه‌ندام دێ پشكداریێ د كۆنگره‌ی دا كه‌ن و پێدڤیه 25% ژ ئه‌ندامێن كۆنگره‌ی ئافره‌ت بن.
