ئه‌ڤرۆ 234 هزار قوتابی دێ پشکداریێ د ئەزموونان دا كه‌ن
ئەڤرۆ نیوز ، زنار تۆڤی :
دەمژمێر 8:30 سپێدەهیا ئه‌ڤرۆ ئێکشه‌مبی 27 گولانا 2018 ئەزموونێن خولا ئێکێ یێن پۆلا 12 ئاماده‌یى بۆ خواندنا 2017-2018 ده‌ستپێكر.
لدووڤ وێ ئامارا ب ده‌ست ئەڤرۆ نیوز كه‌فتی کو دێ 234 هزار قوتابی ل پۆلێن 12 و نەهێ دێ پشکداریێ د ئەزموونێن خولا ئێکێ یێن خواندنا 2017-2018 ل هەرێما کوردستانێ دا د‌كه‌ن.
د هەمان دەمدا ئەڤرۆ ئێکشەمبیێ پشتیوان سادق وه‌زیرێ په‌روه‌ردێ یێ حوکمەتا هەرێما کوردستانێ دپرێس کۆنفرانسەکێدا راگەهاند ،کو ل دەمێ ئەزموونان بۆ ماوێ دوو دەمژمێران دێ هێلا ئەنتەنێتێ هێتە برین ، ژ پێخەمەت رێگریێ ل قۆپیایێ بگرین ، مە ئەڤ پێنگاڤە هاڤێژتیە ،هەروەسا گوت ژی ، ئەڤ چەندە ل هەموو جیهانێ هەیە و دیسا ئەوێن دبێژن کو پرسیار دهێنە بەلاڤەکرن بەری ئەزموونان چو راستی بۆ ڤێ چەندێ نینە و ب تنێ ئەڤ پروپاگندە ژ لایێ هندەک کەسان ڤە دهێتە کرن و چو بنەما ژبۆ ڤێ چەندێ نینە.