ئه‌ڤرۆ 9 دادوه‌ر دێ ل جهێ جڤاتا كۆمسياران هێنه دانان
ئه‌ڤرۆ نيوز:
ئه‌ڤرۆ 9 دادوه‌ر دێ ل جهێن ئه‌ندامێن جڤاتا كومسيارێن هه‌لبژارتنێن عيراقێ ده‌ست ب كار بن يێن كو دوهى ژ لايێ جڤاتا دادوه‌رى ڤه هاتينه دياركرن.
دوهى رۆژا ئێكشه‌مبى جڤاتا بلندا دادوه‌ريێ 9 دادوه‌ر ل جهێ 9 كۆمسيارێن كۆمسيۆنا بلندا سه‌ربه‌خۆيا هه‌لبژارتنان ل عيراقێ دياركرن و 18 دادوه‌رێن دژى ل جهێ رێڤه‌به‌رێن گشتى يێن كۆمسيۆنێ بۆ پارێزگه‌هان هاتنه دياركرن.
جڤاتا نوونه‌رێن عيراقێ رۆژا چارشه‌مبى ب پتريا ده‌نگێن نوونه‌رێن جڤاتێ راستڤه‌كرنا قانوونا هه‌لبژارتنا په‌سه‌ندكر و كۆمسيۆن ژ كارى راوه‌ستاندن و دادوه‌ر ل جهێ وان هاتنه دانان و بڕيار ژى هاته دان ده‌نگ ژى هه‌موو ب ده‌ست بهێنه هه‌ژمارتن. د به‌رامبه‌ر دا ژى كۆمسيۆنێ سكالا ل سه‌ر ڤێ بڕيارا جڤاتا نوونه‌ران ل دادگه‌ها فيدرال تۆمار كريه و ئه‌و ژى چاڤه‌رێ بڕيارا دادگه‌ها فيدرالن.