ئه‌ڤ رێژه ژ كارمه‌ندێن ئه‌وقافێ چووينه ناڤ رێزێن داعش
ئه‌ڤرۆ نيوز:
وه‌زيرێ ئه‌وقاف و كاروبارێن ئاينى ل هه‌رێما كوردستانێ راگه‌هاند كو كێمترين كه‌س چووينه ناڤ رێزێن داعش ئه‌ون يێن ژ وه‌زاره‌تا ئه‌وقافا هه‌رێمێ چووين و هه‌تا نوكه چو ژ وان كه‌سان نه‌هاتينه ده‌ركرن.
وه‌زيرێ ئه‌وقاف و كاروبارێن ئاينى ل هه‌رێما كوردستانێ بۆ تۆرا ده‌نگوياسێن سلێمانيێ گۆت: “ل وه‌زاره‌تا ئه‌وقاف و كاروبارێن ئاينى 48 كه‌س چووينه ناڤ رێزێن داعش و بۆ سه‌ره‌ده‌ريكرن ل گه‌ل وان، مه رێيێن قانوونى گرتينه به‌ر”.
ب گۆره‌يى زانياريێن تۆرا ده‌نگوياسێن سلێمانيێ ل سنورێ مه‌خمور و ديبه‌گ 40 كه‌س ژ وه‌زاره‌تا ئه‌وقافێ چووينه ناڤ رێزێن داعش و ل هه‌موو كوردستانێ ب گۆره‌يى داخۆيانيا وه‌زيرى 48 كه‌س چووينه ناڤ رێزێن داعش.
ده‌رباره‌يى ڤێ چه‌ندێ وه‌زير دبێژيت: “ئه‌و كه‌سێن ل وان سنوران چووينه ناڤ رێزێن داعش عه‌ره‌بن، به‌لێ ب ره‌نگه‌كێ فه‌رمى سه‌ر ب وه‌زاره‌تا مه ڤه‌نه و نه‌هاتينه فه‌سلكرن، به‌لێ مووچێ وان هاتيه برين”.
ئاماژه ب وێ چه‌ندێ ژى كر كو ئه‌وان وه‌كو وه‌زاره‌تا ئه‌وقافێ نڤيساره‌كا فه‌رمى بۆ جڤاتا وه‌زيرێن هه‌رێما كوردستانێ هنارتيه و ئه‌و چاڤه‌رێ به‌رسڤا جڤاتا وه‌زيران دكه‌ن.