ئه‌ڤ شه‌ڤه پێشمه‌رگه‌ی ل شنگالێ گورزه‌كا كوژه‌ك ل داعش دا
ئه‌ڤرۆ نیۆز، قائید میرۆ
ئه‌ڤ شه‌ڤه هێزێن پێشمه‌رگه‌ی ل رۆژئاڤایێ شنگالێ هێرشه‌كا تیرۆرستێن داعش شكاند و زیانێن مه‌زن گه‌هاندن چه‌كدارێن داعش.
حاجی چاوشین فه‌رماندێ پێشمه‌رگه‌ی ل شنگالێ ب ئه‌ڤرۆ نیۆز راگه‌هاند” ده‌مژمێر هه‌شتێ ئه‌ڤ شه‌ڤه تیرۆرستێن داعش ل رۆژئاڤایێ شنگالێ ئێرش كره سه‌ر چه‌په‌رێن پێشمه‌رگه‌یێن كوردستانێ و شه‌ڕۆ پێكدادانێن توند بۆ ده‌مێ ده‌مژمێره‌كێ دنێڤبه‌را پێشمه‌رگه و داعش به‌رده‌وامی هه‌بوو.
حاجی گۆتژی” د ئێرشا ئه‌ڤ شه‌ڤه‌دا پێشمه‌رگه شیا گورزه‌كا كوژه‌ك ل تیرۆرستێن داعش بده‌ن و نه‌چاربوون پاشڤه بچن، د ئه‌نجامێ ڤێ ئێرشێ زیانێن مه‌زن گه‌هشتینه چه‌كدارێن داعش، به‌لێ ژبه‌ركو هێشتا شه‌ڤه هژمارا كوشتیێن وان ناهێته زانین.
