ئه‌ڤ فه‌رمانبه‌رێن هه‌رێما كوردستانێ چوونه ب سه‌ر ميلاكێ حوكمه‌تا عيراقێ ڤه
ئه‌ڤرۆنيوز:
حوكمه‌تا عيراقێ بريار دا فه‌رمانبه‌رێن ده‌رگه‌هێن سنورى ل هه‌رێما كوردستانێ بچنه سه‌ر ميلاكێ وێ.
سه‌رۆكێ ده‌سته‌يا ده‌رگه‌هێن سنورى ل عيراقێ، كازم عه‌قابى، ئه‌ڤرۆ پێنج شه‌مبى 22/2/2018 راگه‌هاند” بريار هاته دان هه‌موو فه‌رمانبه‌رێن ده‌رگه‌هێن سنورى ل هه‌رێما كوردستانێ بچنه سه‌ر ميلاكێ حوكمه‌تا عيراقێ دچارچۆڤێ سه‌پاندنا ده‌ستهه‌لاتا فيدرالى”.
عه‌قابى گۆت ژى” هه‌موو فه‌رمانبه‌رێن ده‌رگه‌هێن سنورى ل هه‌رێما كوردستانێ دێ هێنه سه‌ر ميلاكێ مه ودێ مووچێن وان ژى ده‌ين تاكو هه‌موو ده‌رگه‌هێن سنورى ل هه‌رێمێ دبن ده‌ستهه‌لاتا فيدرالى ڤه‌بن”.
دياركر” مادێ 114 ژ دستوورێ عيراقێ ئاماژێ ب ئيدارا هه‌ڤپشك بۆ ده‌رگه‌هێن سنورى دده‌ت، به‌لێ من چو مادێن دستوورى نه‌ديتن به‌حسێ داهاتيێن دارايى ژوان ده‌رگه‌هێن سنورى دكه‌ت، له‌وما پێدڤيه ئه‌و داهات بچنه گه‌نجينا ده‌وله‌تا عيراقێ”.
