به‌لجيكا دێ ب 41 بارهه‌لگران هاريكاريان گه‌هينيته هێزێن پێشمه‌رگه‌ى
ئەڤرۆ نیوز،زنار تۆڤی:
نوونەرێ حوکمەتا ھەرێمێ ل ئێکەتیا ئۆروپا دلاوەر خالد ئاژگەیی بۆ ئەڤرۆ نیوز دیارکر:ژ بلی ھنارتنا بسپۆرێن سەربازی بۆ مەشقکرنا پێشمەرگەی،بەلجیکا بریاردا 41 بارھەلگرێن ھاریکاریێ رەوانەی ھەرێمێ بکەت،ئەڤ چەندە دێ برێیا وەزارەتا بەرگریا وی وەلاتی ھێتە ئەنجامدان و گۆت ژی:وەلاتێ بەلجیکا بریاردا کو ب 41 بارھەلگران ھاریکاریان بۆ ھێزێن پێشمەرگەی رەوانە بکەت،کو پێکھاتینە ژ کەرەستە و پێدڤیێن پزیشکی یێن تایبەت بۆ ھێزێن پێشمەرگەی ل سەرنگەرێن شەری.
دلاوەری گۆت ژی:پشتی چەندین گفتۆگویێن راستەوخۆ دگەل بەرپرسێن حوکمەتا بەلجیکا و سەرەدانا ئەنجوومەنێ پیرێن بەلجیکا بۆ ھەرێما کوردستانێ و کومبوونا وان دگەل پەرلەمانێ کوردستانێ،مە داخواز ژێکر کو پێشمەرگە پێدڤی ب ھاریکاریانە و وان ژی بریاردا 41 بارھەلگرێن پتلپشتی و ھاریکاریان بۆ پێشمەرگەی رەوانە بکەن،کو دێ د ماوەیەکێ کورتدا گەھنە ھەرێمێ،ناڤھاتی دیارکر ژی:حوکمەتا بەلجیکا بریاردایە کو بسپۆرێن سەربازی رەوانەی ئەلمانیا بکەت و ل وێرێ دێ دەست ب مەشقکرنا ھێزێن پێشمەرگەی کەن.
