سويد بەرھەڤیێن شەڕی دژی رۆسیا دکەت
ئەڤرۆنیۆز، ئەیاد بەرواری:
پشتی بۆ دەمێ پتر ژ 200 سالان د ئاشتیێ دا ژیای، وەلاتێ سوید ل ڤێ دووماھیێ دەست ب بەرھەڤیێن لەشکری کر بۆ شەڕێ ھەر دوژمنەکێ چاڤەڕێکری، پشتی گەھشتنا ھوشداریەکا توند ژ ھندەک بەلگەنامێن نھێنی ل دۆر دوژمنکاریێ ل گەل رۆسیا.
ل دووڤ سایتێ (ھاڤینگتۆن پۆست)، ئەو بەلگەنامێن نھێنی یێن ھاتینە ئاشکراکرن، داخۆیانیێن فەرماندێ لەشکرێ سویدی (ئەندرس برانستۆرم) بەرچاڤکرن کو دبیت سوید د چەند سالێن بھێت دا بکەڤیتە د شەڕەکی دا.
سایتێ ناڤبری دیارکر کو نوونەرێن لەشکری د پەرلەمانێ سویدی دا (ئالان ویدمان) خویاکریە کو رۆسیا ھندەک دەستدرێژی ل سەر سوید کرینە، ژ ئەگەرێ وێ چەندێ سوید ئەنداما قۆلپا ناتۆ نینە و دبیت ھەڤڕکی ل گەل رۆسیا زێدەتر ببیت ژئەگەرێ سەقایێ ئابووریێ نوکە و نوکە ڕەوش یا د مەترسیێ دا ھەتاکو بۆ سوید ژی و پێدڤیە بەرھەڤیێن دەروونی و لەشکری بکەین.
رۆسیا بۆ چەندین جاران ئەزموون ب سیستەمێ بەرگریێ وەلاتێن سکەندنافی کریە ب ڕێیا ھنارتنا فرۆکێن شەڕکەر ل نێزیک سنۆرێن وان.
