ئوردنێ بهايێ نانى ب رێژا 100% گران كر
ئه‌ڤرۆنيوز:
حوكمه‌تا ئوردنێ بريارا زێده‌كرنا بهايێ نانى بجهئينا ورێژا زێده‌كرنێ ژى دگه‌هيته 100%.
ئاژانسا ده‌نگوباسێن ئوردنى به‌لاڤكر كو بريارا زێده‌كرنا بهايێ نانى ل 16 ڤێ هه‌يڤێ زێده‌باره چه‌ندين باجێن دى ل سه‌ر كه‌لوپه‌لان هاتبوو دان، ب مه‌ره‌ما كێمكرنا قه‌رێ گشتى ل سه‌ر ده‌وله‌تێ كو 35 مليار دۆلارن.
دياركر ژى، وه‌زاره‌تا دارايى يا ئوردنى ل رۆژا سێشه‌مبيا بۆرى ده‌ست ب مه‌زاختنا پشته‌ڤانيا دراڤى بۆ وه‌لاتيێن كێم ده‌رامه‌ت بۆ قه‌ره‌بووكرنا وان ل به‌رامبه‌ر بلندبوونا بهايان كو هه‌ر كه‌سه‌كێ دخێزانا كێم ده‌رامه‌ت دا دێ سالانه كوژمێ 27 دينارێن ئوردنى (38 دۆلارێن ئه‌مريكى) وه‌رگريت.
حوكمه‌تا ئوردنى 196 مليۆن دينارێن ئوردنى (276 مليۆن دۆلارێن ئه‌مريكى) دبودجا 2018 دا ته‌رخانكربوون بۆ تۆرا جڤاكى كو ب رێيا وێ هاريكاريێن دراڤى بگه‌هنه يێن كێم ده‌رامه‌ت وهه‌ژى، ل شوينا راكرنا پشته‌ڤانيا دارايى ل سه‌ر نانى وزێده‌كرنا باجێ ل سه‌ر كه‌لوپه‌لێن خوارنێ.
ئوردن كو يا هه‌ژاره ب ئاڤێ وسامانێن سروشتى، 98% ژ پێدڤيێن خوه ژ ده‌رڤه دكريت.
