ئوردن دێ چه‌كدارێن عه‌شيره‌تێن عيراقى مه‌شق كه‌ت
ئه‌ڤرۆ نيوز:
ب گۆره‌ى هنده‌ك ژێده‌رێن فه‌رمى ژ بووى روو ب رووى بوونا چه‌كدارێن داعش، دبيت ئوردن چه‌كدارێن عه‌شيره‌تێن عيراقى مه‌شق بكه‌ت.
ب گۆره‌ى ژێده‌رێن ده‌نگوباسێن ئوردن، وه‌لاتێن وان دخوازيت سنورێن ناڤبه‌را خوه و وان توندتر لێ بكه‌ت، ب تايبه‌ت رێيا نێڤده‌وله‌تى يا عومان به‌غداد، ئه‌وا نوكه چه‌كدارێن داعش ده‌ستێن خوه داناينه سه‌ر.
هه‌مان ژێده‌ر ئاماژێ ب وێ چه‌ندێ ژى دكه‌ن كو دبيت عيراق له‌شكرێ بيانى ژ بوو مه‌شقكرنا له‌شكرێ عيراقى و چه‌كدارێن عه‌شيره‌تان ببه‌ته ناڤ ئاخا خوه ژى.
نوكه ل ئه‌نبار، رۆژئاڤايێ عيراقێ، چه‌كدارێن عه‌شيره‌تا شه‌رى دژى چه‌كدارێن داعش دكه‌ن ئه‌وێن روويێن گه‌له‌ك به‌فره‌هـ ل وێ ده‌ڤه‌رێ كۆنترۆل كرين، ب ڤێ چه‌ندێ ژى ره‌نگه دودليه‌ك يا ل ده‌ف ئوردن په‌يدا كرى.
ل ده‌مێ خواتر خواستنێ ل فرۆكخانێ ژ سه‌رۆك وه‌زيرێ عيراقێ، عه‌بدولا نسور، سه‌رۆك وه‌زيرێ ئوردن گۆت: “ئوردن بنگه‌كێ مه‌شقكرنێ يێ گه‌له‌ك باش يێ هه‌يى و 63 هزار كه‌س ژ ئه‌منا عيراقێ يێن مه‌شقكرين”.
نسور ئاماده‌يا خوه ژى بۆ هاريكارى و پشته‌ڤانيكرنا عيراقێ دياركر ژ بووى هاريكاريێن مه‌شقكرنێ، به‌لێ رۆهن نه‌كر، كا ئه‌و به‌حس ل پۆليسان ب تنێ دكه‌ن يان ژى دێ كوڕێن عه‌شيره‌تێن ئه‌نبار ژى مه‌شق كه‌ن.
ب گۆره‌ى ژێده‌رێن فه‌رمى، ئوردن دێ هاريكاريا عيراقێ كه‌ت ب گۆره‌ى وان رێيێن ئه‌و ل سه‌ر رێكه‌فتين و دبيت چه‌كدارێن عه‌شيره‌تان ژى مه‌شق بكه‌ن.
