ئيبراهيم جه‌عفه‌رى په‌سنا رۆلێ پێشمه‌رگه‌يى كر
ئه‌ڤرۆ نيوز
ئيبراهيم جه‌عفه‌رى، وه‌زيرێ ژ ده‌رڤه يێ عيراقێ په‌سنا رۆلێ ئيران هه‌ڤپه‌يمان و پێشمه‌رگه‌يى كر د شه‌رێ دژى داعش دا.
ب مه‌ره‌ما پشكداريكرنێ د كۆنگرێ “جيهان بێ توندوتيژى و توندڕه‌وى” ئيبراهيم جه‌عفه‌رى وه‌زيرێ ژ ده‌رڤه يێ عيراقێ گه‌هشته ته‌هرانا پايته‌ختێ ئيرانێ و د كۆنگره‌كێ رۆژنامه‌ڤانيى هه‌ڤپشك دا ل گه‌ل محه‌مه‌د جه‌واد زه‌ریف وه‌زیری ژ ده‌رڤه يێ ئێرانێ، خۆشحاليا خوه ده‌ربڕى كو هه‌موو رێكخراوێن سياسى يێن عيراقێ ب هه‌ڤكارى شه‌رى دژى داعش دكه‌ن.
په‌سنا رۆلێ مرۆڤدوستانه يێ ئيرانێ كر كو د وان كاودانێن نه‌خۆش دا ژ ئه‌گه‌رێ هاتنا داعش پشته‌ڤانيا عيراقێ كر و ئاماژه ب رۆلێ پێشمه‌رگه‌يى ژى كر د شه‌رێ دژى داعش دا و په‌سنا وان كر.
د پشكه‌كا دى يا گۆتنێن خوه دا جه‌عفه‌رى په‌ستا رۆلێ هه‌ڤپه‌يمانان ژى كر د تۆپبارانكرنا بنگه‌هێن داعش دا ل عيراقێ و ب سه‌ركه‌فتى وه‌سفكر.
ژ لايێ خوه ڤه محه‌مه‌د جه‌واد زه‌ريف ته‌كست كر كو ئيران ئاسايشا عيراقێ ب ئاسايشا خوه دزانيت و هه‌ر ده‌م دێ وه‌كو مه‌زنترين پشته‌ڤان بۆ عيراقێ مينيت.
