ئيبراهيم خه‌ليل راپۆرتا رێڤينگان ل هه‌يڤا ئيلۆنێ به‌لاڤ دكه‌ن
ئه‌ڤرۆ نيوز:
رێڤه‌به‌ريا ده‌رگه‌هێ نێڤده‌وله‌تى يێ ئيراهيم خه‌ليل ئامارا ژمارا سه‌ره‌دانكرنێ بۆ هه‌يڤا ئيلۆنێ ل سالا 2018ێ به‌لاڤكر.
ب گۆره‌يى ڤێ ئامارێ كو ل مالپه‌رێ خوه يێ فه‌رمى به‌لاڤكريه ئاماژه ب وێ چه‌ندێ كريه، ل هه‌یڤا ئیلونێيا سالا 2018 پترژ 172 هزار رێڤینگا ل كومه‌لگه‌ها ده‌رگه‌هێ نێڤده‌وله‌تی يێ ئیبراهیم خه‌لیل هاتنوچوونێ كریه.
ئاشكه‌را ژى كريه كو ل دووڤ راپورتا نڤێسنگه‌ها ئاكنجیبون و پاسپورتا ئیبراهیم خه‌لیل 172 هزار و 677 رێڤینگا ل ده‌رگه‌هێ ئیبراهیم خه‌لیل هاتنوچوون كریه، ل دووڤ راپورتا نڤێسنگه‌ها ناڤبری كو دیاربوو 91 هزار و 957 رێڤینگ هاتینه ناڤ هه‌رێما كوردستانێ دا كو ژوانا 55 هزار 400 هه‌لگرێن پاسپورتێن عيراقینه و 34 هزار 52 كه‌س هه‌لگرێن پاسپورتێن توركینه هه‌روه‌سا دو هزار 505 هه‌لگرێن پاسپورتێن بیانینه
ئاماژه ب وێ چه‌ندێ ژى كريه، كو راپورتا نڤێسینگه‌هێ 80 هزار 720 رێڤینگ ب رێیا ده‌رگه‌هێ ئیبراهیم خه‌لیل چووینه بو وه‌لاتێ توركیا، ژ وانا 43 هزار 16 كه‌س هه‌لگرێن پاسپورتێن عيراقینه و 33 هزار 740 هه‌لگرێن پاسپورتێن توركینه و سێ هزار و 964 هه‌لگرێن پاسپورتێن بیانینه.
