ئيتاليا دێ نه‌خۆشخانه‌كا له‌شكرى ل هه‌رێمێ ڤه‌كه‌ت
ئه‌ڤرۆ نيوز:
ب گۆره‌يى نڤيساره‌كێ وه‌زاره‌تا پێشمه‌رگه و كۆنسلخانا ئيتاليا بزاڤێن وێ چه‌ندێ دكه‌ن نه‌خۆشخانه‌كێ بۆ پێشمه‌رگه‌يى ڤه‌كه‌ن و بۆ ڤێ مه‌ره‌مێ ژى ئيتاليا پرۆپۆزه‌له‌ك پێشكێش كريه.
د راگه‌هاندنه‌كا وه‌زاره‌تا پێشمه‌رگه‌يى يا حوكمه‌تا هه‌رێما كوردستانێ دا ئاماژه ب وێ چه‌ندێ هاتيه كرن كو دوهى رۆژا ئێكشه‌مبى رێكه‌فتى 12ى نيسانا 2015ێ مسته‌فايێ سه‌يد قادر ل گه‌ل كارمێلۆ فيكارا كۆنسۆلێ گشتيێ ئيتاليا ل هه‌رێما كوردستانێ و دو كۆمپانيێن ئيتالى يێن تايبه‌ت ب دروستكرنا نه‌خۆشخانان كۆمبوون.
هه‌ر ب گۆره‌يى ڤێ راگه‌هاندنێ هه‌ردولا دانوستاندن ل سه‌ر ئاڤاكرنا نه‌خۆشخانه‌كا تايبه‌ت ب پێشمه‌رگه‌يى ل هه‌رێما كوردستانێ كريه.
