ئيران بزاڤێن دروستكرنا بنگه‌هه‌كێ مووشه‌كان ل هه‌رێمێ دكه‌ت
ئه‌ڤرۆ نيوز:
چه‌ند ژێده‌ره‌كێن كوردستانى راگه‌هانديه كو ئيران دێ ژ ده‌سپێكا ڤێ هه‌يڤێ ده‌ست ب دروستكرنا مه‌زنترين بنگه‌هێ مووچه‌كى كه‌ت ل پارێزگه‌ها سلێمانيێ.
رۆژناما “الشرق الاوسط” ژ زارێ ژێده‌ره‌كێ كوردستانى به‌لاڤكريه: “ژماره‌ك ژ ئه‌فسه‌رێن سوپايێ پاسدارێن ئيرانێ رۆژانه سه‌ره‌دانا بنگه‌ى دكه‌ن بۆ چاڤدێريكرنا پێنگاڤێن ئه‌نجامدانا پرۆژه‌ى”.
ب گۆره‌ى هه‌مان ژێده‌ر كو رۆژنامێ ناڤێ وى ئاشكه‌را نه‌كريه: “سۆپايێ پاسكدارێن ئيرانێ ده‌ست ب ته‌مامكرنا تۆنێله‌كێ كريه كو هێزێن ئيرانى ل سه‌ر ده‌مێ شه‌رێ ئيران و عيراقێ ل سالێن 80يان ل سه‌دێ بۆرى ل وێ ده‌ڤه‌رێ د ناڤبه‌را هه‌ردو وه‌لاتان دا ده‌ست ب دروستكرنا وێ كربوو.
ئه‌ڤ ژێده‌ره دبێژيت ژى: “ئامانج ژ وێ تۆنێلێ ڤه‌گوهاستنا له‌شكر و چه‌كى بۆ ئه‌وى بنگه‌هێ له‌شكرى يێ ئيران بزاڤا دروستكرنا وى دده‌ت”.