ئيران حزبا به‌عس ومالباتا سه‌دامى ب هاندانا خوه‌پيشاندانان تۆمه‌تبار دكه‌ت
ئه‌ڤرۆنيوز:
په‌يڤدارێ هێزێن پاسدارێن ئيرانێ، عه‌ميد ره‌مه‌زان شه‌ريف، راگه‌هاند كو ئيرانێ پێزانين يێن هه‌ين ل دۆر هاندانا مالباتا سه‌رۆكێ عيراقێ يێ به‌رێ سه‌دام حسێن بۆ خوه‌پيشاندان وكارێن توندوتيژيێ ئه‌وێن ل ڤێ دووماهيێ ل ئيرانێ په‌يدابووين.
په‌يڤدارێ پاسدارێن ئيرانێ دداخۆيانيه‌كێ دا بۆ ئاژانسا (فارس) يا فه‌رمى يا ئيرانى بۆ ده‌نگوباسان، گۆت” رێكخراوا موجاهدين خه‌لق وئال سعود وپشته‌ڤانێن سيسته‌مێ شاهاتيێ وحزبا به‌عس يا عيراقى ده‌ست د خوه‌پيشاندانێن ڤێ دووماهيێ ل ئيرانێ دا هه‌بوو”.
گۆت ژى” بێگوما حزبا به‌عس وپاشمايێن مالباتا سه‌دامى هه‌ر چ ژده‌ستێ وان هاتى دژى گه‌لێ ئيرانێ، يا كرى وپێزانێن يێن هه‌ين كو مالباتا سه‌دامێ ده‌ست دخوه‌پيشاندانێن ئيرانێ دا هه‌بوو وئه‌ڤ پێزانينه به‌لگه‌نه كو مالباتا سه‌دامێ بزاڤكريه زيانێ بگه‌هينيه كۆمارا ئيسلامى يا ئيرانێ برێيا پشته‌ڤانيا گرۆپێن دژى كۆمارا ئيسلامى”.
