ئيران ل پاشماخ كه‌لوپه‌ل وخوارنێن ئێكسپايه‌ر ره‌وانه‌ى كوردستانێ دكه‌ت
ئه‌ڤرۆنيوز:
دده‌مێ چار رۆژێن بۆرى دا چه‌ندين كه‌ره‌سته وپێدڤيێن چاندنێ وكه‌لوپه‌لێن خوارنێ ژ ئيرانێ هاتينه هنارتن بۆ كۆمه‌لگه‌ها پاشماخ يا نێڤده‌وله‌تى ل هه‌رێما كوردستانێ هاتينه كرن وژلايێ هۆبا چاندنێ يا كۆمه‌لگه‌ها ناڤبرى ڤه رێ لێ دهێته گرتن بۆ هاتنا وان بۆ ناڤ بازارێن هه‌رێما كوردستانێ.
به‌هێز عه‌بدده‌لا، به‌رپرسێ هۆبا چاندنێ ل كۆمه‌لگه‌ها پاشماخ يا نێڤده‌وله‌تى بۆ وشه گۆت” تنێ دده‌مێ چار رۆژێن بۆرى دا ئه‌م شياينه سێ ترۆمبێلێن نه‌مامێن جوانكاريێ يێن هنارتى ژ ئيرانى قه‌ده‌غه بكه‌ين كو 33 ته‌ن بوون وچه‌ند جۆرێن نه‌مام ودره‌ختێ قه‌ده‌غه‌كرى تێدابوو”.
گۆت ژى” هه‌روه‌سا 15 ته‌نێن قارچكى هاته ره‌تكرن وزڤراندن كو خودانێ وان دخواست ب فێل بينيته دناڤ بازارێن هه‌رێما كوردستانێ دا، ديسا ئه‌م شياين رێ ل ترومبێله‌كا ئاليكێ ئاماده‌نه‌كرى بگرين كو ب گۆره‌ى رێنمايان هاتنا وى قه‌ده‌غه‌يه”.
دياركر ژى كو رێ نه‌هاته دان ب هاتنا نێزيكى 120 ته‌نێن جوهى كو هاتبوو هنارتن بۆ ئاليكى كو دناڤ شه‌ش ترومبێلان دا بوون، چونكى ديرۆكا به‌رهه‌مئينان وب سه‌رڤه‌چوونا وى يا تمام نه‌بوو وسێ ته‌نێن سێڤێن سوور يێن ئيرانى ژى ژبه‌ركو ب كێر خوارنێ نه‌دهاتن و40 ته‌نێن بيڤازا ئيرانى ژى ده‌ست ب سه‌ردا هاته گرتن”.
