ئيران مه‌رجێن سه‌ره‌دانا سه‌رۆكێ فره‌نسا ره‌ت دكه‌ت
ئه‌ڤرۆ نيۆز:
ئيران مرجين فره‌نسا بۆ سه‌ره‌دانا سه‌رۆكێ فره‌نسى ئێمانوێل ماكرۆن ره‌ت دكه‌ت ول به‌رانبه‌ردا چه‌ندين مه‌رجان بۆ فره‌نسا دياردكه‌ت.
جه‌واد كه‌ريمى، ئه‌ندامێ لژنا ئاسايشا نه‌ته‌وى وسياسه‌تا ده‌رڤه ل جڤاتا شورايا ئيرانى گۆت، ب مه‌ره‌ما ئه‌نجامدانا سه‌ره‌دانا سه‌رۆكێ فره‌نسا ئێمانوێل ماكرۆن بۆ ئيرانێ، لايه‌نى فره‌نسى چه‌ندين مه‌رج داناينه به‌ر ئيرانێ كو ب رێيا لۆران فابيۆس وه‌زيرێ ده‌رڤه‌يێ فره‌نسا گه‌هاندينه وه‌زيرێ ده‌رڤه‌يێ ئيرانێ محه‌مه‌د جه‌واد زه‌ريف.
كريمى دداخۆيانيه‌كا رۆژنامه‌ڤانى دا دياركر كو فره‌نسا دمه‌رجێن خوه‌دا بۆ ئه‌نجامدانا وێ سه‌ره‌دانێ، داخوازا كۆمبوونه‌كێ كريه دناڤبه‌را ماكرۆن ورێبه‌رێ ئيرانێ عه‌لى خامه‌نه‌ئى، ديسا ل دۆر به‌رنامێ مۆشه‌كێن ئيرانێ ل گه‌ل به‌رپرسێن ئيرانى كۆمببيت.
ل دووڤ كه‌ريمى، ئيرانێ به‌رسڤا فره‌نسا دايه كو هه‌ر جۆره دانوستاندنه‌كێ ل دۆر به‌رنامێ خوه يێ مۆشه‌كێن باليستى ره‌ت دكه‌ت، زێده‌بارى وێ چه‌ندێ ژى،ئيرانێ چه‌ندين مه‌رج بۆ سه‌ره‌دانا سه‌رۆكێ فره‌نسى دياركرينه، به‌لێ ئه‌و مه‌رج ئاشكرا نه‌كرن.
