ئيران: هه‌تا تره‌مپ دگه‌هيته مال دێ رێكه‌فتنا وى و كوريا ژناڤ چيت
ئه‌ڤرۆ نيوز، فاتما مزوورى:
پشتى كو دونالد تره‌مپ و كيم جۆنگ ئۆن د رێكه‌فتنه‌كا مێژوويى دا، چار خال ئيمزا كرى، ئيران هوشداريێ دده‌ته كوريا باكوور و ديار دكه‌ت كو دێ يا بێ به‌رهه‌م بيت.
ب گۆره‌ى نووچه‌كێ ئاژانسا فه‌رمى يا وه‌لاتێ ئيرانێ “ئيرنا” سه‌رۆكێ ده‌زگه‌هێ بوودجه و پلانا ئيرانێ، محه‌مه‌د باقر نه‌وجه‌خت، ده‌رباره‌ى رێكه‌فتنا ناڤبه‌را تره‌مپ و كيم جۆنگ ئۆن دبێژيت: “ئه‌م نزانين سه‌رۆكێ كوريا باكوور ل گه‌ل چ جوره كه‌سان سه‌ره‌ده‌ريێ دكه‌ت”.
زێده‌تر گۆت: “داخوازێ ژ سه‌رۆكێ كوريا باكوور دكه‌ين باوه‌ريێ ب سۆزێن تره‌مپ نه‌ئينيت، ژ به‌ر كو هه‌تا بچيته مال دێ ئه‌و رێكه‌فتن ژناڤ چيت”.
دا زانين ژى كو ئه‌مريكا و ئيران ژى ل سه‌ر چه‌كێ ئه‌تۆمى يێ ئيرانێ رێكه‌فت بوون، به‌لێ تره‌مپ ئێكلايانه بڕيار دا و خوه ژ رێكه‌فتنێ ڤه‌كێشا و سزا ل سه‌ر ئيرانێ سه‌پاندن.