ئيران: پۆتن په‌يامه‌كا مه دايه ده‌ست تره‌مپ
ئه‌ڤرۆ نيوز:
په‌يڤدارێ وه‌زاره‌تا ده‌رڤه يا ئيرانێ ئه‌ڤرۆ راگه‌هاند كو ته‌هرانێ ب رێيا فلاديمێر پۆتن سه‌رۆكێ رۆسيا نامه‌ك ژ بۆ دونالد تره‌مپ سه‌رۆكێ ئه‌مريكا هنارتيه.
به‌هرام قاسمى په‌يڤدارێ وه‌زاره‌تا ده‌رڤه يا ئيرانێ راگه‌هاند كو ناڤه‌رۆكا كۆمبوونا ئه‌ڤرۆ د ناڤبه‌را تره‌مپ و پۆتن دا نينه، به‌لێ مه داخواز ژ سه‌رۆكێ رۆسيا كريه كو يه‌يامه‌كا مه بگه‌هينيته ده‌ستێ تره‌مپ.
ئاماژه ب وێ چه‌ندێ ژى كر كو رۆژه‌ك دێ هێت تره‌مپ ته‌هرانێ ئاگه‌هدار بكه‌ت و داخوازا رێكه‌فتنێ ژێ بكه‌ت.
ئه‌ڤرۆ تره‌مپ و پۆتن ل هێلسينكى پايته‌ختێ فنله‌ندا كۆمبوون. ئه‌ڤ كۆمبوونه د ده‌مه‌كى دا دهێت كو تره‌مپ ب ره‌نگه‌كێ ئێكلايانه خوه ژ رێكه‌فتناما ئه‌تۆمى يا ل گه‌ل ئيرانێ ڤه‌كێشايه و راگه‌هانديه كو ئه‌و يێ ئاماده‌يه رێكه‌فتنه‌كا دى ل گه‌ل ئيرانێ ئه‌نجام بده‌ت.
