ئيسرائيل بنگه‌هه‌كێ له‌شكرى يێ ئيرانى توپباران دكه‌ت
ئه‌ڤرۆنيوز:
له‌شكرێ ئيسرائيلى كه‌فتنا خوارێ يا فرۆكه‌كا شه‌ركه‌ر يا خوه پشتى توپبارانكرنا هژماره‌كا باره‌گا وبنگه‌هێن له‌شكرێ ئيرانى ل سووريێ راگه‌هاند.
ل دووڤ به‌ياننامه‌كا له‌شكرێ ئيسرائيلى، سپێده‌يا ئه‌ڤرۆ شه‌مبيێ 10/2/2018، فرۆكێن شه‌ركه‌ر يێن ئيسرائيلى چه‌ند باره‌گا وبنگه‌هێن له‌شكر وميليشيێن ئيرانى ل سووريێ توپبارانكرن.
له‌شكرێ ئيسرائيلى به‌لاڤكر، فرۆكه‌كا شه‌ره‌كه‌ر يا ئيسرائيلى ژ جۆرێ F16 پشتى پشكدارى دوێ توپبارانكرنێ دا كرى، ل باكوورێ ئيسرائيلێ كه‌فته خوار.
دياركر ژى” هه‌ردو فرۆكه‌ڤانێن وێ فرۆكێ ب سلامه‌تى رزگار بوون”.
ژلايێ خوه‌ڤه ئاژانسا (سانا) يا ده‌نگوباسێن سوورى يا فه‌رمى ژ زارده‌ڤێ ژێده‌ره‌كێ له‌شكرى يێ سوورى به‌لاڤكر كو هێزا به‌رگريا ئه‌سمانى يا سوورى به‌رهنگارى هێرشا ئه‌سمانى يا ئيسرائيلى بوو ودئه‌نجامدا چه‌ندين فرۆمێن ئيسرائيلى ژناڤبرن.
