ئۆمێد خوشناو: پارتی ل دژی پاشخستنا هەلبژارتنا یە
ئەڤرۆ نیوز ، زنار تۆڤی:
سه‌رۆكێ فراكسیۆنا پارتی دیموکراتی کوردستان ل په‌رله‌مانێ كوردستانێ بۆ ئەڤرۆ نیوز راگه‌هاند‌یە، کو پارتی ل د ژی پاشخستنا هه‌لبژارتنایه و پارتی په‌یڤدارێ خوه ژی هه‌یه و بلا كه‌س خوه نه‌كه‌ته نوونه‌رێ پارتی، هەروەسا پارتی یا رژدە کو هەلبژارتن بهێنە ئەنجامدان.
ئومێد خوشناو سه‌رۆكێ فراكسیۆنا پارتی ل پەرلەمانێ کوردستانێ زێدەتر دبێژیت، هەکە ئالیێن کوردستانی بهانه‌یه‌كا ب تنێ ژی بۆ پاشخستنا هه‌لبژارتنان هه‌بیت، پارتی ب سه‌دان بهانه بۆ ئەنجامدانا هه‌لبژارتنان د ده‌مێ خوه دا هه‌نه و ب ئاشكرایی ژی گۆتیه، كو هه‌لبژارتن ناهێنه پاشخستن، له‌وما پێدڤی نینه كه‌س خوه بكه‌ته نوونه‌ر و په‌یڤدارێ پارتی، ژبه‌ركو پارتی په‌یڤدارێ خوه هه‌‌یە.
ئه‌ڤ چەندە د ده‌مه‌كێ دایه كو ئه‌ڤرۆ سپێدێ قۆباد تاله‌بانی سه‌رۆكێ لیستا ئێكه‌تیێ د کۆنگرەکێ رۆژنامەڤانی دا ل سلێمانیێ راگه‌هاندبوو، کو هه‌موو ئالیێن سیاسی یێن کوردستانی ل گه‌ل پاشخستنا هه‌لبژارتنێن په‌رله‌مانێ كوردستانێ نه.