ئۆپه‌راسيۆنا رزگاركرنا شرگات و حه‌وێجه ده‌سپێكر
ئه‌ڤرۆ نيوز:
سپێده‌هيا ئه‌ڤرۆ رۆژا پێنجشه‌مبى 21ى ئيلۆنا 2017ێ حه‌يده‌ر عه‌بادى، فه‌رماندێ گشتى يێ هێزێن چه‌كدار ل عيراقێ، ده‌سپێكرنا قووناغا ئێكێ يا ئۆپه‌راسيۆنا كونترۆلكرنا حه‌وێجه راگه‌هاند.
ئه‌حمه‌د عه‌بدولا عه‌بد پارێزگارێ سه‌لاحه‌دين راگه‌هاند كو ب پشكداريا حه‌شه‌د شه‌عبى و حه‌شه‌د عه‌شائيرى پرۆسا كونترۆلكرنا لايێ چه‌پێ يێ شرگات ژ ده‌ستێ تيرۆرستێن داعش ده‌سپێكر.
جه‌بار ياوه‌ر ئه‌ميندارێ گشتى يێ وه‌زاره‌تا پێشمه‌رگه‌ى ل هه‌رێما كوردستانێ راگه‌هاند كو هێزێن پێشمه‌رگه‌ى پشكداريێ د ئۆپه‌راسيۆنا كونترۆلكرنا حه‌وێجه دا ناكه‌ت.
ئه‌ميندارێ گشتى يێ وه‌زاره‌تا پێشمه‌رگه‌ى ئاماژه ب وێ چه‌ندێ ژى كر كو ب تنێ هێلێن به‌ره‌ڤانيێ يێن خوه ب هێز كه‌ت و رێ ناده‌ت چه‌كدارێن داعش بچيته ناڤ سنورێن هه‌رێمێ هه‌ر وه‌كو چاوان د ئۆپه‌راسيۆنا كونترۆلكرنا تله‌عفه‌ر دا ئه‌نجام دا.