ئیتالیا: ئه‌وروپا پێشه‌نگه بۆ پێشڤه‌برنا ڤاكسینێ دژی كورونایێ
ئه‌ڤرۆ نیوز:
به‌رپرسه‌كێ بلندێ وه‌زاره‌تا ساخله‌میا ئیتالیا راگه‌هاند ئه‌وروپا د ڤه‌كۆلینێن خۆدا بۆ پێشڤه‌برنا ڤاكسینێ دژی كورونایێ زۆر ل به‌ریا ئه‌مریكا دایه، دوماهیا ئیسال قوناغا ئێكێ یا ڤاكسینێ دژی كورونایێ دێ هێته به‌رهه‌م ئینان.
ئه‌و ڤاكسین كۆ ژلایێ زانكۆیا ئوكسفورد ڤه هاتیه پێش خستن ژ هه‌موو جورێن دی یێن ڤاكسینا كورونایێ پێشكه‌تی تره.
والته‌ر ریچارد راوێژكار ل وه‌زاره‌تا ساخله‌میا ئیتالیا راگه‌هاند: ئه‌و ڤاكسین كۆ ژلایێ زانكۆیا ئوكسفورد ب هه‌ڤكاریا كۆمپانیه‌كا ئیتالی هاتیه پێش خستن ل سه‌ر ئاستی وه‌لاتێن ئه‌وروپا ژ هه‌موو جورێن دی یێن ڤاكسینێ دژی كورونایێ پێشكه‌تی تره و ئیتالیا به‌رهه‌ڤه بۆ به‌رهه‌م ئینانا ئه‌ڤی ڤاكسینی.
راوێژكارێ ل وه‌زاره‌تا ساخله‌میا ئیتالیا ئه‌و چه‌نده ژی راگه‌هاند ئه‌وروپا د ڤه‌كۆلینێن خودا بۆ پێشڤه‌برنا ڤاكسینێ دژی كورونایێ زۆر ژ ئه‌مریكا پێشكه‌تی تر بوویه، دڤیت وه‌لاتێ وی ئێك بیت ژ ئه‌وان وه‌لاتێن ده‌ستپێشخه‌ر بۆ به‌رهه‌م ئینانا ڤاكسینێ دژی كورونایێ.
