ئیدارا نوو یا ئه‌مریكا پشته‌ڤانیا خوه بۆ گه‌لێ كوردستانێ و پێشمه‌رگه‌ى دووپات كر
ئه‌ڤرۆ نیوز:
مایك پێنس جێگرێ سه‌رۆكێ هه‌لبژارتیێ ئه‌مریكا ب رێیا تله‌فونێ په‌یوه‌ندى ب سه‌رۆك بارزانى كر و پشته‌ڤانیا ئیدارا نوو یا ئه‌مریكا بۆ گه‌لێ كوردستانێ و پێشمه‌رگه‌ى دووپات كر.
جێگرێ سه‌رۆكێ هه‌لبژارتى یێ ئه‌مریكا سه‌ره‌راى ئاماژه دان ب وێ یه‌كێ كو به‌رى نوكه سه‌ره‌دانا هه‌رێما كوردستانێ كریه، رێز بۆ خه‌باتا گه‌لێ كوردستانێ و قوربانیدانا هێزا پێشمه‌رگه‌ى هه‌بوو و په‌سنا رۆلێ پێشمه‌رگه‌ى كر د شكاندنا تیرورستان و رژدى ل وێ یه‌كێ كر كو سه‌رۆكێ هه‌لبژارتى و ئه‌و ب خوه و ئیدارا نوو یا ئه‌مریكا پشته‌ڤانیا گه‌لێ كوردستانێ و پێشمه‌رگه‌ى كرن.
د هه‌مبه‌ر دا، سه‌رۆك بارزانى پیرۆزبایێن خوه ئاراسته‌ى سه‌رۆك و جێگرێ سه‌رۆكێ هه‌لبژارتیێ ئه‌مریكا كر ب هه‌لكه‌فتا سه‌ركه‌فتنا وان د هه‌لبژارتنێن ئه‌مریكا دا و سوپاسیا تره‌مپ كر كو د هه‌لمه‌تا هه‌لبژارتنان دا پشته‌ڤانیا خوه بۆ گه‌لێ كوردستانێ راگه‌هاندى.
