ئیدارا نەینەوا ب فەرمی داخوازا ڤەگەڕاندنا ھێزێن پێشمەرگەی دکەت
ئەڤرۆ نیوز:
ئیدارا پارێزگەھا نەینەوا ب فەرمی داخوازا ڤەگەڕاندنا ھێزێن پێشمەرگەی بۆ مووسل دکەت و بەرپرسەکێ پارێزگەھا ناڤھاتی ژی ئاشکرا کر کو داخواز ھاتیەکرن کو سەنتەرێ باژێرێ مووسل ب پۆلیسێن ناڤخۆ بھێتەدان و دەوروبەرێن مووسل ژی ژ لایێ پێشمەرگەی و سوپایێ عیراقێ ڤە بھێتە پاراستن.
سیروان رۆژبەیانی، جێگرێ پارێزگەرێ نەینەوا دیار کر کو ھەتا رەوشا مووسل ژ روویێ ئێمناھیێ ڤە سەقامگیر نەبیت چو پلانێن وان سەرناگرن، چونکی لڤینێن تیرۆرستێن داعش ل مووسل زێدەبووینە ژ ئەگەرێ کێمیا ھێزێن ئێمناھیێ ژ سەنتەرێ مووسل ھەتا دگەھیتە دەڤەرا شنگالێ و سنوورێ سووریا تیرۆرستێن داعش دەست ب لڤینان کرینە.
ناڤھاتی بۆ مالپەرێ فەرمیێ پارتی دیموکراتی کوردستان گۆت: “مە ب شێوەکێ فەرمی داخوازکریە سەنتەرێ باژێرێ مووسل ب پۆلیسێن ناڤخۆ بھێتەدان و دەوروبەرێن مووسل ژی ژ لایێ پێشمەرگەی و سوپایێ عیراقێ ڤە بھێتە پاراستن”.
