ئیراقێ داخوازه‌كا بسه‌یر ژ نه‌ته‌وه‌یێن ئێكگرتی كر
ئه‌ڤرۆ نیوز:
ئیراقێ ژ نه‌ته‌وه‌یێن ئێكگرتی خواست هاریكارییا وێ بكه‌ت و رێ بده‌تێ بنگه‌هێن كارلێكه‌ر یێن ئه‌تۆمی ڤه‌بكه‌ت.
وه‌زیرێ ده‌رڤه یێ ئیراقێ، ئیبراهیم جه‌عفه‌ری د گۆتارا خوه دا ل نه‌ته‌وه‌یێن ئێكگرتی گۆت: ئیراق دخوازیت بنگه‌هێن كارلێكه‌ر یێن ئه‌تۆمی ل ئیراقێ ڤه‌كه‌ت و كار ل سه‌ر بكه‌ت بۆ مه‌ره‌مێن ئاشتییانه و ل گۆری پیڤه‌رێن رێپێدایی، دخوازین هاریكارییا مه بكه‌ن د ڤی بیاڤی دا.
ئیراقێ سێ بنگه‌هێن كارلێكه‌ر یێن ئه‌تۆمی ل باشۆرێ به‌غدا هه‌بوون، ئێك ل سالا 1981 د هێرشه‌كا ئه‌سمانی یا ئسرائیلێ دا هاته ژناڤبرن، دو ژی ژ ئالیێ فرۆكه‌یێن ئه‌مریكا ل سالا 1991ێ پشتی شه‌رێ كوێتێ هاتنه ژناڤبرن.
ئه‌ڤه د ده‌مه‌كی دایه كو ئیراق یا قه‌رداره و د شه‌رێ دژی داعشێ دایه و هه‌رێما كوردستانێ دخوازیت ژ وی وه‌لاتی سه‌ربخوه ببیت، جڤاكا نێڤده‌وله‌تی ژى هێشتا ب ئاریشه‌یا ئه‌تۆمی یا ئیرانێ ڤه‌یه.