ئیران: ئه‌مریكا دزانیت چ ب سه‌رێ وان هاتیه ل عه‌ین ئه‌سه‌د
ئه‌ڤرۆ نیوز:
وه‌زیرێ به‌ره‌ڤانیا ئیرانێ راگه‌هاند: ئه‌مریكا دزانیت چ ب سه‌رێ وان هاتیه ل بنگه‌هێ سه‌ربازی یێ عه‌ین ئه‌سه‌د ل عیراقێ.
ئه‌میر حاته‌می وه‌زیرێ به‌ره‌ڤانیا ئیرانێ راگه‌هاند: ئاراسته‌كرنا هه‌یڤا ده‌ستكر بۆ بوشاهیا ئاسمانی په‌یوه‌ندی ب پرۆگرامێ موشه‌كێن ئیرانێ ڤه نینه، به‌لكۆ ته‌مامكرنا پرۆگرامێ ئاسمانی و ره‌وانه‌كرنا هه‌یڤا ده‌ستكر مافه‌كێ ره‌وایێ ئیرانێ یه.
وه‌زیرێ به‌ره‌ڤانیا ئیرانێ ئه‌و چه‌نده ژی دیاركر كۆ ئیران خودانا چه‌ندین جورێن موشه‌كێن شه‌ری یه ژ وان ژی ئه‌و موشه‌كێن هاتینه ئاراسته‌كرن بۆ بنگه‌هێ عه‌ین ئه‌سه‌د یێن هێزێن ئه‌مریكا ل عیراقێ، ئه‌مریكا دزانیت چ ب سه‌رێ وان هاتیه ل وی بنگه‌هێ سه‌ربازی .
ناڤبری ئاماژه ب وێ چه‌ندێ دا كۆ ئه‌و موشه‌كێن نوكه كۆ هه‌یڤا ده‌ستكرد هه‌لدگرن بۆ مه‌به‌ستا به‌ره‌ڤانیێ نائینه بكار ئینان به‌لكۆ ل ده‌مێن بهێت چه‌ندین هه‌یڤین ده‌ستكرد ب مه‌به‌ستا به‌ره‌ڤانیێ ره‌وانه‌ی ئاسمانی كه‌ین و تاران دێ به‌رده‌وام بیت د پێشڤه‌برنا پرۆگرامێ ئاسمانی و چ تشته‌ك ل جیهانێ نه‌شێت وان ژ وی كاری راوه‌ستینیت.
