ئیران و سعوودیا دخوازن ئاریشێن د ناڤبەرا خوە دا چارە بکەن
ئەڤرۆ نيوز:
ئاژانسا BBC د راپۆرتەکێ دا دیار کریە کو محەمەد بن سەلمان وەزیرێ بەرگیریێ سعوودیا ب رێیا عیراقێ بزاڤان دکەت کو دانوستاندنان ل گەل ئیرانێ بکەت دا پرسێن د ناڤبەرا ھەر دو وەلاتان دوور ژ شەری و ب رێیێن سیاسی بھێنە چارە کرن، عیراقێ ژی بەرھەڤیا خوە بۆ ناڤبژیڤانیێ دیار کریە و بەرپرسێن ئیرانێ ژی ژ وێ پێنگاڤا سعوودیا دلخوەشن.
د بەردەوامیا راپۆرتێ دا ئەو یەک ژی ھاتیە دیار کرن کو سعوودیا دخوازیت ب ناڤبژیڤانیا عیراقێ دانوستاندن ل گەل ئیرانێ بھێنە کرن و بەری نھا چەندین بەرپرسێن عیراقێ د سەرەدانا خوە بۆ سعوودیا ئەو بابەت ل گەل بەرپرسێن وی وەلاتی گەنگەشە کرینە و ئیران ژی رازی یە کو دوور ژ شەری و ب رێیا دانوستاندنان ئاریشێن خوە ل گەل سعوودیا چارەسەر بکەت.
ئەو یەک د دەمەکێ دایە کو ھەفتیا بۆری ل وەلاتێ تورکیا د چارچۆڤێ کۆمبوونا ھەڤکاریا وەلاتێن ئیسلامی ھەر دو وەزیرێن دەرڤە یێن ئیرانێ و سعوودیێ ب گەرمی بخێرھاتنا ھەڤدۆ کربوون و پاشی ژی وەزیرێ دەرڤە یێ ئیرانێ محەمەد جەواد زەریف دیار کربوو کو ئیرانێ دڤێت دوور ژ شەری و ب رێیا دانوستاندنان ھەموو پرسێن خوە ل گەل وەلاتێ سعوودیێ چارە بکەت.