ئیران: ھندەک وەلات دخوازن کوردان ل دژی مە بکار دئینن
ئه‌ڤرۆ نيوز:
محسێن رزایی فەرماندارێ بەرێ یێ پاسدارێن ئیرانێ و شیرەتکارێ نھا یێ سەرۆکێ شۆرەشا ئیسلامی یا ئیرانێ راگەھاند کو سعوودیێ و چەند وەلاتێن دی ھاریکاریا ھێزێن چەکدارێن کورد ل ھەرێما کوردستانا عیراقێ دکەن و وان ھان ددەن دا ھێرشێن خوە ل سەر ئاخا مە زێدە بکەن و ئەو یەک ب چو رەنگەکێ ناھێتە قەبوول کرن و ئەم داخواز ژ وان وەلاتان دکەین کو کوردان ل دژی مە نەدەنە بکار ئینان و ئاریشێن ناڤخوەیی ل وەلاتێ مە دروست نەکەن.
رزایی ئەو یەک ژی دیار کر کو رەوشا کوردان ل ئیرانێ ل ھەر جھەکێ دی باشترە و وان چەندین پەرلەمانتارێن خوە ل ئیرانێ ھەنە و ھەموو خزمەتگوزاری ل دەڤەرێن کوردان ھەنە و گۆت: (لێ سعوودیێ و چەند وەلاتێن دی ل گەل ئەمریکا دخوازن رەوشا ناڤخوەیی یا ئیرانێ ئالۆز بکەن و کوردان ل دژی مە بکار دئینن).
