ئیسرائیل و رووسیا ل دژی ئیرانێ رێكد‌كه‌ڤن
ئەڤرۆ نیوز ، زنار تۆڤی :
لدووڤ نووچەکێ رۆژناما تایمز ئۆف هه‌ر ئێك ژ رووسیا و ئیسرائیل رێكکه‌فتنەکا نهێنی ل دژی ئیرانێ ئه‌نجام دده‌ن و لدووڤ وێ رێكکه‌فتنێ ژی ئیسڕائیل دێ رازی بیت ب ڤەگه‌ریانا هێزێن رژێما سوریا بۆ سه‌ر سنوورێ بلنداهیێن جۆلانێ.
رۆژناما تایمز ئۆف یا ئیسڕائیلی دیارکریە ، کو ئیسڕائیل گه‌هشتیە رێكکه‌فتنەکا نهێنی ل گه‌ل رووسیا بۆ هندێ کو ئه‌و هێزێن ئیرانی یێن ل سووریا دا هه‌ین ژ سنورێن وێ د دووربن.
لدووڤ وێ رێكکه‌فتنێ ،ئیسڕائیل دێ رازی بیت ب ڤەگه‌ریانا وان هێزێن ڕژێما سوریێ بۆ سه‌ر سنوورێ بلنداهیێن جۆلان ، ل به‌رامبه‌ر هندێ ژی دڤێت رووسیا گره‌نتیا هندێ بدەت كو هیچ هێزەکا دیتر یا ئیرانێ و میلیشیاتێن سه‌ر ب ئیرانێ ڤە وه‌كو حیزبوللا لوبنانی ل وێ دەڤەرێ دا نه‌مینن.
هه‌ر لدووڤ وێ رێكکەتنێ رووسیا داخواز ژ هه‌موو هێزێن بیانی یێن دناڤا سووریێ دا کرینە ژ سووریێ بچن، ب هێزێن ئیرانی و حزبوللا لوبنانی و هێزێن ئه‌مریكا و یێن توركی ژی.
