ئیمزا بۆ زێدەکرنا کورسیێن ئێزدیان د جڤاتا نوونەران دا دھێنە کۆمکرن
ئه‌ڤرۆ نيوز:
پەرلەمانتارا کوردێن ئێزدی ل جڤاتا نوونەرێن عیراقی دیارکر کو ب فەرمی داخواز ژ سەرۆکێ جڤاتا نوونەرێن عیراقی ھاتە کرن بۆ زێدەکرنا کورسیێن ئێزدیان ل جڤاتا نوونەرێن عیراقێ ل دووڤ رێژا ئاکنجیێن ئێزدیان کورسی بۆ بھێنە تەرخانکرن.
ڤیان دەخیل، نوونەرا کوردێن ئێزدی ل جڤاتا نوونەرێن عیراقێ دیارکر کو د روونشتنا جڤاتا نوونەرێن عیراقێ دا دخوازی ھاتە کرن کو ھژمارا کورسیێن کۆتا یێن ئێزدیان ل دووڤ رێژا ئێزدیان بھێنە زێدەکرن کو ھەتا نوکە 70 پەرلەمانتاران ژی ئیمزا بۆ زێدەکرنا کورسیێن کۆتا یێن ئێزدیان ل جڤاتا نوونەرێن عیراقێ کۆمکرینە. بەری نوکە دادگەھا فیدرالی ل عیراقێ بڕیار دایە ھژمارا کورسیێن ئێزدیان بھێنە زێدەکرن”.
ڤیان دەخیل ئەو ژی دیارکر کو ئەو ژی ل جڤاتا نوونەرێن عیراقێ ل گەل لیژنا قانوونی یێ بزاڤێ دکەن جڤاتا نوونەران بڕیارێ ل سەر زێدەکرنا کورسیێن پێکھاتێ ئێزدیان بدەت.
داخواز ژی ژ ھەموو فراکسیۆنان کر دەنگی ل سەر داخوازیا ئیزدیان بدەن بۆ پێدانا مافێ پێکھاتێ ئێزدی ل جڤاتا نوونەرێن عیراقێ.
