ئێدی مەترسی ل سەر بەلاڤكرنا مووچەیێ فەرمانبەرێن هەرێمێ نەما
ئەڤرۆ
وەزیرێ دارایی و ئابووری یێ حوكمەتا هەرێما كوردستانێ راگەهاند، رێككەفتنا د ناڤبەرا هەولێر و بەغدا دا ل سەر هنارتنا پەترۆلێ، دێ كارتێكرن ل سەر بودجە و چارەسەركرنا ئاریشەیێن دی هەبیت.
ئاوات شێخ جەناب، وەزیرێ دارایی و ئابووری یێ حوكمەتا هەرێما كوردستانێ ئاشكرا كر، رێككەفتنا دوهی د ناڤبەرا هەولێر و بەغدا دا هاتیە ئیمزاكرن، دێ كارتێكرنەكا ئێكسەر ل سەر بودجەی و چارەسەركرنا پشكەكا مەزن یا ئاریشەیێن د ناڤبەرا حوكمەتا هەرێما كوردستانێ و حوكمەتا فیدرالی دا هەبیت و گۆت: «ئێدی چو مەترسی ل سەر بەلاڤكرنا مووچەیێ فەرمانبەرێن هەرێما كوردستانێ نەما و ل دەمەكێ نێزیك دێ دەست ب بەلاڤكرنا مووچەیێ هەیڤا ئادارێ هێتەكرن».
وەزیرێ دارایی و ئابووری گۆت: «هیڤیدارین ئەڤ رێككەفتنە وەكو خوە بهێتە بجهئینان، ژ بەركو دێ كارتێكرنەكا مەزن بۆ رەوشا سیاسیا ئیراقێ و هەرێما كوردستانێ هەبیت».
