ئێزدى داخوازيا پشكداريه‌كا كارا د حوكمه‌تێ دا دكه‌ن
ئه‌ڤرۆ نيوز:
جڤاتا روحانيا ئێزديان داخواز دكه‌ت كو ئێزدى ژى وه‌كو لايه‌نه‌كێ كارا پشكداريێ د حوكمه‌تا نوو يا هه‌رێما كوردستانێ دا بكه‌ن.
د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كريه، جڤاتا روحانيا ئێزديان ئاماژه ب وێ چه‌ندێ كريه كو نها كار يێ ژبۆ پێكئينانا كابينا نه‌هێ يا حوكمه‌تا هه‌رێما كوردستانێ دهێته كرن، ئێزدى ژى ژ نێزيك ته‌ماشه‌ى ڤێ پرۆسێ دكه‌ن ب تايبه‌ت ژى پشتى سه‌ره‌دانا راسپارديێ كابينا نوو بۆ لايێ پێكهاتان ژ توركمان و كلد و ئاشوريان.
د پشكه‌كا دى يا ڤێ نڤيسارێ دا هاتيه: “د ده‌مه‌كى دا كو ئه‌م هيڤيا سه‌ركه‌فتنێ بۆ كاك مه‌سرور بارزانى دخوازين د كارێ وى يێ نوو دا و گه‌رمترين پيرۆزباهيا لێ دكه‌ين، داخوازا مافێن خوه ژى دكه‌ين و پشكداريا كوردێن ئێزدى د كابينا وه‌زارى دا ب گرنگ دزانين و هه‌ر ديسا د بريكارێن وه‌زيران و رێڤه‌به‌رێن گشتى و لايه‌نێ دبلۆماسى و لايه‌نێن دى يێن ئيدارى.
