ئێزديان دڤێت شنگال بچيته سه‌ر رۆژئاڤايێ كوردستانێ؟
ئه‌ڤرۆ نيوز:
قائیمقامێ قەزا شنگال دیار کر، دەمێ رێککەفتنا سایکس بیکو ھاتیە کرن، ئێزدی بوونە ئەگەر شنگال ب سەر رۆژئاڤایێ کوردستانێ ڤە نەبیت، بەری 100 سالان ئێزدیان ڤیا شنگال ب سەر کوردستانا باشوور ڤەبیت و ل گەل دھۆک و ھەولێر بمینیت، نوکە پەکەکە کار دکەت و ناکوکیان دناڤبەرا ئێزدیێن شنگالێ دا دروست دکەت.
مەحما خەلیل، قائیمقامێ قەزا شنگال بۆ ئەڤرۆ دیار کر، پەکەکە ھەولددەن شنگالێ ژ کوردستانێ ڤەکەت، لێ خەلکێ شنگال دێ رێگریێ ل پلانێن پەکەکێ گرن و ناھێلن شنگال بھێتە دوورئێخستن ژ ھەرێما کوردستانێ دێ شنگال ل سەر دەستێن سەرۆک بارزانی بیتە پارێزگەە و دێ سەر ھەرێما کوردستانێ ڤە بیت، بەری 100 سالان ئێزدیان ناھێلان شنگال ژ کوردستانێ ڤەبیت، نوکە ژێ شنگالی ناھێلن ئاخا باب و باپیرێن وان ژ ھەرێما کوردستانێ ڤەبیت و ھەموو کار دکەن بۆ پارێزگەھبوونا شنکالێ، مخابن پەکەکە کار دکەت شنگال بێخیتە ب سەر رۆژئاڤایی کوردستانێ ڤە.
مەحما خەلیل خۆیا ژی کر، پەکەکە ل شنگال کار دکەت ناکوکیان د ناڤبەرا ئێزدیێن شنگالێ دا دروست بکەت، خەلکێ بێخنە دبن دەستھەلاتا خوە دا بۆ وی چەندێ شنگالی رازی بن ئاخا خوە بێخنە د چارچووڤێ پرۆژی پەکەکێ دا، پەکەکە پشتەڤانیا عێراقی خەونا دبینیت بۆ دوورئێخستنا شنگال ژ ھەرێما کوردستانێ ھەکە پەکەکە دەست ژ ڤان رەفتارێن خوە یێن نە قانوونی بەرنەدەت دێ سکالایی ل دادگەە نێڤدەولەتی ل سەر تۆمارکەین.
قائیمقامی شنگال ئاشکرا کر کو پەکەکە یا بوویە ئەگەر خەلکێ شنگال مال و مولکێن خوە بجھبھێلن و قەستا دەرڤەی وەلاتی بکەن، رێژەکا زۆر وەلاتێن شنگال کوچبەر بووینە بەرەڤ وەلاتێن ئوروپا چووینە ژ بەر ھەبوونا پەکەکێ ل شنگالێ، چونکو پەکەکێ بێی ھیڤیبوونەک بۆ ڤەگەراندنا خەلکێ دروستکریە و خەلک شنگال دترسن ڤەگەرن، پەکەکە ئاریشەیان بۆ زارۆیێن وان دروست بکەت، لەورا خەلکێ کوچبەر بن.
قائیمقامێ قەزا شنگال دیار کر، پێدڤیە نەتەوەیێن ئێکگرتی و ھەموو دەولەتێن زلھێز یێن جیھانێ کارتێن گڤاشتنێ دژی پەکەکێ بکاربینن ل دەڤەرا شنگالێ و ھەموو ھەولدەن پەکەکە ل دەڤەرا شنگال نەمینیت بەری ئاریشێن مەزن د ناڤ خەلکێ شنگال دا دروست ببن، ئێک ژ ئەگەرێن سەرەکی نە ڤەگەریانا خەلکێ شنگال بۆ سەر مال و مولکێن خوە و ھەبوونا پەکەکێ یە ل دەڤەرا شنگال، چونکو خەلکێ دەڤەرێ دترسن بھێنە سەر مالێن خوەـ پەکەکە زارۆیێن وان ب رەڤینیت ئاریشە بۆ خەلکێ دروست بکەت.
مەحما خەلیل ئاشکرا کر پەکەکە ل دەڤەرا شنگال یا بوویە پارێزەرا پاراستنا ھەموو بەرژوەندیێن حکومەتا عیراقێ، لەورا ژی حکومەتا عیراقێ بریاری نادەت پەکەکە شنگال چوول بکەت، پێدڤیە بەغدا سەروەریا ئاخا شنگال بپارێزیت ونەھێلین ھێزێن نەقانوونی د ناڤ شنگالێ دا بمینن و نابیت حکومەتا عیراقێ پشتەڤانیێ ل ھێزێن نەقانوونی بکەت ل سەر ئاخا شنگال.
ئەو ژی دیار کر، حکومەتا عێراقی ھەموو شیانێن خوە پشتەڤانیا پەکەکێ دکەت بۆ دروستکرنا فیتنەیان دناڤبەرا ئێزدیێن شنگالێ دا ھێشتا برینێن خەلکێ شنگال دەرمان نەبووینە ژ بەر خیانەتا عەرەبان و رەڤاندنا ھزارەھا کچ و ژن و زارۆیێن ئێزدیان، مخابن عێراق ھەولدەت جارەکا دێ کارەساتەکێ ب سەری ئێزدیان بینیت ل شنگال، ئەم داخوازێ دکەین بریارا پارێزگەھبوونا شنگال بھێتە دان ب سەر ھەرێما کوردستانێ ڤە بین بۆ وێ چەندێ خەلکێ شنگال ژی ب ئازادی بژین و ئێدی تووشی کارەساتان نەبن.