ئێكه‌تى دێ پۆستێ سه‌رۆكاتيا په‌رله‌مانى وه‌رگريت؟
ئه‌ڤرۆ نيوز:
ئه‌ندامه‌كێ مه‌كته‌با سياسى يا ئێكه‌تى نشتيمانى كوردستان ديار دكه‌ت كو ئێكه‌تى كێشێن ناڤبه‌را پارتى و گۆڕان ناكه‌ته كێشێن خوه و پۆستێ سه‌رۆكێ په‌رله‌مانى وه‌رناگريت.
سه‌عدى ئه‌حمه‌د پيره، ئه‌ندامێ مه‌كته‌با سياسى يا ئێكه‌تى نشتيمانى كوردستان د چارچۆڤێ پشكداريكرن د پرۆگرامه‌كێ كه‌نالێ كوردستان 24 دا به‌حس ل سه‌ره‌دانا فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ بۆ سلێمانيێ و كۆمبوونا ل گه‌ل لايه‌نێن سياسى كر و گۆت: “د كۆمبوونا ئێكێ يا فوئاد سێن و نه‌وشيروان مسته‌فا رێكخه‌رێ گشتيێ بزاڤا گۆڕان ره‌وشا سياسى يا ده‌ڤه‌رێ به‌حسكريه”.
ناڤبرى ره‌تكر كو ئێكه‌تى رازى بيت ب وێ پێشنيازا سياسى يا وه‌رگرتنا پۆستێ سه‌رۆكاتيا په‌رله‌مانى د پێناڤى ئاسايكرنا ره‌وشا سياسى ل هه‌رێما كوردستانێ.
گۆتژى: “ئێكه‌تى نشتيمانى كوردستان كێشێن ناڤبه‌را پارتى و گۆڕان ناكه‌ته كێشێن خوه و كار ژ بۆ وێ چه‌ندێ دكه‌ت كو هه‌موو پێكڤه كار كه‌ن بۆ چاره‌كرنا قه‌يرانان”.