ئێكه‌تيا ئورۆپى ب فه‌رمى سزا ل سه‌ر به‌نكا ناڤه‌ندى يا عيراقێ راكرن
ئه‌ڤرۆنيوز:
به‌نكا ناڤه‌ندى يا عيراقى به‌لاڤكر، ئێكه‌تيا ئورۆپى ب برياره‌كێ كو ل رۆژناما فه‌رمى يا خوه به‌لاڤكرى ئه‌و سزايێن ل سه‌ر به‌نكا ناڤه‌ندى يا عيراقى راكرن كو ل سه‌رده‌مێ رژێما ژناڤچووى ل سه‌ر هاتينه سه‌پاندن.
به‌نكا ناڤه‌ندى يا عيراقى دمالپه‌رێ خوه دا به‌لاڤكر ژى” ئه‌گه‌رێ بريارێ ئه‌وه كو به‌نكا ناڤه‌ندى كارێن خوه ب شێوه‌كێ زانستى ئابوورى دكه‌ت ورێ دده‌ت ب په‌يوه‌نديێن دارايى ل گه‌ل هه‌موو به‌نكێن جيهانى ونوكه بوويه جهێ باوه‌ريا به‌نكێن نێڤده‌وله‌تى”.
ئه‌ڤ چه‌نده دهێت پشتى نه‌ته‌وێن ئێكگرتى پشتى سالا 1991 سزايێن ئابوورى ل سه‌ر عيراقێ سه‌پاندين، ئێكه‌تيا ئه‌رۆپى ژى سزا ل سه‌ر هژماره‌كا داموده‌زگه‌هێن ئابوورى وسياسى يێن عيراقى سه‌پاندن كو به‌نكا ناڤه‌ندى يا عيراقى ئێك ژوان ده‌زگه‌هان بوو.
