ئێكه‌تيا ته‌پا پێ يا ئورۆپى سه‌ركه‌فتنا يانا لێڤه‌رپۆل به‌رامبه‌ر ريال مه‌دريد راگه‌هاند
ئه‌ڤرۆنيوز:
ئێكه‌تيا ته‌پا پێ يا ئورۆپى (يويفا) ئه‌ڤرۆ ئه‌ينيێ 4/5/2018 كه‌فته دشاشيه‌كا مه‌زن دا ده‌مێ ل سه‌ر مالپه‌رێ خوه يێ فه‌رمى سه‌ركه‌فتنا يانا لێڤه‌رپۆل يا ئينگليزى ب ناسناڤێ خۆلا قاره‌مانێن ئورۆپى بۆ ڤى وه‌رزى راگه‌هاندى.
يانا لێڤه‌رپۆل يا ئينگليزى گه‌هشته ياريا دووماهيێ يا خۆلا قاره‌مانێن ئورۆپا پشتى ل سه‌ر ياريگه‌ها خوه ب ئه‌نجامێ 5-2 سه‌ركه‌فتن ل سه‌ر يانا رۆما يا ئيتالى تۆماركرى و ل سه‌ر ياريگه‌ها يانا رۆما ب ئه‌نجامێ 2-4 هاتيه دوراندن، يانا ريال مه‌دريد ژى ل سه‌ر كيستێ يانا بايره‌ن ميونخ يا ئه‌لمانى گه‌هشتيه ياريا دووماهيا خۆلا پشتى ل ميونخ ب ئه‌نجامێ 2-1 ب سه‌ركه‌فتى و ل مه‌رديد ب ئه‌نجامێ 2-2 وه‌كهه‌ڤ بووى.
برياره ريال مه‌دريد ولێڤه‌رپۆل ل رۆژاشه‌مبيێ 26/5/2018 ياريا دووماهيێ ل ياريگه‌ها كييف ل ئوكرانيا ئه‌نجام بده‌ن.
به‌لێ مالپه‌رێ ئێكه‌تيا ته‌پا پێ يا ئورۆپى ل سه‌ر مالپه‌رى خوه يێ فه‌رمى و ل پشكا خولا قاره‌مانێن ئورۆپا نڤيسى ( وه‌رزێ 2017 – 2018 قاره‌مان : لێڤه‌رپۆل).