ئێكه‌مین جاره كورده‌ك دبیته دادوه‌ر ل فیستیڤاله‌كا ئیتالى
ئه‌ڤرۆ نیوز ، زنار تۆڤى :
ده‌رهێنه‌ره‌كێ كوردێ خه‌لكێ باژێرێ هه‌ولێرێ ئێكه‌م جاره وه‌كو دادوه‌ر ل لیژنا دادوه‌رێن خولا دازدێ یا فیستیڤالا ریفێرى یا سینه‌مایى ل وه‌لاتێ ئیتالیا ب ره‌نگه‌كێ فه‌رمى دهێته داخوازكرن و د دیداره‌كێ دا بۆ رۆژناما ئه‌ڤرۆ دبێژیت : فیستیڤالا ریفێرى دێ ل رۆژانێن 15 هه‌تا 30 خزیرانا 2018 ل وه‌لاتێ ئیتالیا برێڤه چیت و ئه‌ز ژى وه‌ك ده‌رهێنه‌ركێ كورد بۆ ئێكه‌مین جار وه‌ك ژ ئه‌ندامێن دادوه‌رێن د لیژنا دادوه‌رێن خولا 12 یا وێ فیستیڤالێ ل وه‌لاتێ ئیتالیا هاتیمه داخوازكرن و ئه‌ز دێ د وێ فیستیڤالێ دا كارێ دادوه‌ریێ كه‌م.
جوبرائیل ئه‌بۆبه‌كر ئه‌و ده‌رهێنه‌رێ كورده زێده‌تر دبێژیت : من ل سالا 2001 ده‌ست ب كارێن سسینه‌مایى كریه و هه‌روه‌سا من كارێ ده‌رهێنه‌ریێ بۆ هه‌ردوو فلمێن ” بێده‌نگى ئاسمان و ئه‌یلان ” ى كریه ، من ب وان فلمان پشكدارى د چه‌ندین فیستیڤالێن جیهانى دا كریه و چه‌ندین خه‌لاتێن جیهانى ژى وه‌رگرتینه ، دیسا وى د چه‌ندین كورته فلم و فلمێن درێژ دا وه‌ك هاریكارێ ده‌رهێنه‌رى كاركریه ، ناڤهاتى ل سالا 1983 ل باژێرێ هه‌ولێرێ ژ دایك بوویه.
