ئێك چپكا ژه‌هرا دووپشكى ل كوردستانێ ب 22 هزار دۆلاران هاته فرۆتن
ئه‌ڤرۆنيوز:
ل ده‌ڤه‌را پشده‌ر يا ب سه‌ر ئيدارا راپه‌رێن ڤه، دلۆپه‌كا ژه‌هرا دووپشكى ب 22 هزار دۆلاران هاته فرۆتن بۆ بازرگانه‌كێ ئيرانى.
مالپه‌رێ سه‌ته‌لايتا كوردستان به‌لاڤكر”بازرگانێن ئيرانى وه‌كو ده‌رمان بۆ نه‌خوه‌شيێن چاڤى، ل دووڤ وان نێچيرڤانان دگه‌رهن ئه‌وێن مژوولى كوشتنا گياندارێن ژه‌هراوى ژوان ژى دووپشكان، چونكى ژه‌هرا دووپشكان بۆ ده‌رمانێن چاره‌سه‌ريا په‌نجه‌شێرێ ونه‌خوه‌شيێن دۆمدرێژ دهێته بكارئينان”.
دياركر ژى”سه‌ره‌راى مه‌ترسيان، ده‌مێ چه‌ند رۆژايه خه‌لكه‌ك مژوولى گرتنا دووپشكايه، چونكى هه‌ر دلۆپه‌كا ژه‌هرا دووپشكى مفايه‌كێ مه‌زن دگه‌هينيته وى كه‌سێ دگريت”.
ئاشكراكر ژى” ل ده‌ڤه‌را پشده‌ر ئێك دلۆپا ژه‌هرا دووپشكى ب 22 هزار دۆلاران ب بازرگانه‌كێ ئيرانى هاته فرۆتن”.
وى بازرگانى ئيرانى بۆ مالپه‌رێ سه‌ته‌لايتا كوردستانێ گۆت”هه‌ر كه‌سه‌ك هزار دووپشكان ب ساخى بگريت وبده‌ته من، ئه‌ز دێ 250 هزار دۆلاران ده‌مێ”.
رۆهنكر ژى” دووپشكێ ره‌نگێ زه‌ر يێ ب بهاتره وگرانتره ژ دووپشكێ ره‌نگێ ره‌ش، چونكى ژه‌هرا دووپشكێ زه‌ر يا ب هێزتره وپێكهاتێن ژه‌هرا وى بۆ بوارێ ساخله‌ميێ دباشترن”.