ئێکگرتوو: حەفتیا بھێت دێ بەربژارێن خوە بۆ پۆستان دەستنیشان کەین
ئه‌ڤرۆ نيوز:
ئەندامەکێ سەرکرداتیا یەکگرتووی ئیسلامی کوردستان راگەھاند کو ئەو ل دۆر حوکمەتا ناڤخوەیی ل دھۆکێ ل گەل پارتی ل سەر ھەموو تشتان یێن رێککەفتین و بۆ رۆژناما ئەڤرۆ گۆت:(د ڤێ حەفتیێ دا ھەتا حەفتیا بھێت دێ ھەموو بەربژارێن خوە بۆ پۆستان دەستنیشان کەین و پێشکێش کەین).
غازی سەعید ئاشکرا ژی کر کو ٢٣ پۆست ل پارێزگەھا دھۆکێ بۆ وان یێن ھاتینە دان، ئەو ژی سێ رێڤەبەرێن ناحیانە و دو رێڤەبەرێن گشتی و دو شیرەتکارێن پارێزگەری و ١٤ رێڤەبەر و پۆستێ سکرتێرێ ئەنجوومەنێ پارێزگەھێ و گۆت:(مە ھێشتا دەستنیشانکرنا کەسان بۆ پۆستان ب دووماھی نەئینایە و ل دەمەکێ نێزیک دێ دەستنیشان کەین و پێشکێشکەین و ئوسمان یونس ژی ئێک ژ بەربژارانە بۆ پۆستێ جێگرێ پارێزگەرێ دھۆکێ).
ل دۆر وان رێڤەبەریێن بۆ یەکگرتوو ھاتینە دیارکرن، ئەندامێ سەرکرداتیا یەکگرتوو دیار کر کو وان بژاردێن خوە د ڤی واری دا یێن پێشکێشکرین و گەلەک یێن نێزیکی ئێک بووین ل سەر وان رێڤەبەریێن دێ بۆ وان ھێنە دان، لێ ھێشتا نەگەھشتینە پێکھاتێ دووماھیێ.
