ئێکەتیا مامۆستایا دێ کۆنگرێ خوە گێڕێت
ئەڤرۆ نیۆز، قائید میرۆ:
ئێکەتیا مامۆستایێن کوردستانێ دەمێ نووکرنا ناسنامەیێن مامۆستا درێژکر و تەکەزکر، دێ کۆنگرێ ١٣ێ لسالا داھاتی ھێتە گێڕان.
ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ بۆ ئەڤرۆ نیۆز راگەھاند” ئەڤرۆ مە وەکە مەکتەبا تەنفیزی کۆنگرەکێ رۆژنامەڤانی گرێدا و تێدا، دەمێ نووکرنا ناسنامەیێن مامۆستایا ھاتە درێژکرن بۆ ٣١ ھەیڤا تەباخێ، ھەتا ھەموو مامۆستا بشێن ناسنامەیێن خوە نوو بکەن.
گەرمیانی دیارکر، ھەروەسا مە بڕیاردایە، رۆژا ١-١١-٢٠١٥ێ دەست ھەلبژارتنێنئەندامێن کۆنگرێ ١٣ێ یێ ئێکەتیا مامۆستایان بھێتەکرن و پشتی دوماھی ھاتنا ڤێ پڕۆسێ دێ بڕیار لسەر گرێدانا کۆنگرەی ھێتەکرن، کو پێشبینی دکەین بکەڤیتە سالا داھاتی”.
