ئێکەتیا نڤیسەرێن کورد ل دهۆکێ سوبەهی دێ (٥٥) سالیا دامەزراندنا خۆ ساخکەت
شاكر ئەتروشی
ب هەلكەفتا بۆرینا (55) سالان ل سەر دامەزراندنا ئێكەتیا نڤیسەرێن كورد/دهۆك، ل بەرە سوبەهی رۆژا چارشەمبی رێكەفتی 12/8/2026 ئێڤارییەكا هەلبەست خواندنێ بۆ گەنجان ل هولا نڤیسەران بهێتە گێڕان، چالاكی ل دەمژمێر شەش و نیڤی ئیڤاری دێ دەستپێكەت و نێزیكی (15) هەلبەستڤانان دێ تێدا پشكداربن.
هەژی گۆتنێ یە كو د (55) سالێن بۆری دا، ب تایبەت ژی پشتی سەرهلدانا بهارا 1991 ئێكەتیا نڤیسەرێن كورد ل دهۆكێ ب پشتەڤانیا سەرۆك (مەسعود بارزانی) و سەرۆكاتیا هەرێما كوردستانێ و سەرۆكاتیا حكومەتا هەرێما كوردستانێ رۆلەكێ كارا د پێشڤەبرنا ئەدەب و ڕەوشەنبیریا كوردی دا گێڕایە و هەتا نوكە ب هزاران كوڕ و سمیناران بۆ نڤیسەرێن هەرچارپارچەیێن كوردستانێ گێڕاینە، هەروەسا ب سەدان پەرتووك بۆ نڤیسەرێن كورد ل هەرێما كوردستانێ و دەرڤەی وەلاتی چاپكرینە، زێدەباری گێڕانا هژمارەكا فیستەڤالێن ڕەوشەنبیری و دەرخستنا گۆڤارا (پەیڤ) كو زمانحالێ ئێكەتیا نڤیسەرانە ب شێوەیەكێ وەرزی و یێ بەردەوام.
