ئێکەتیێ 50 ملیاردێر یێن ھەین
ئەڤرۆ نیوز، ئەیاد بەرواری:
سکرتێرێ حزبەکا بچووک ل کوردستانێ دبێژیت ئێکەتیێ 50 ملیاردێر دبن دەستھەلاتا خوە دا یێن ھەین، ژبلی ب سەدان ملیۆنێرێن دۆلاری.
عوسمان حاجی مارف سکرتێرێ حزبا کومۆنیستا کرێکاری کوردستان، ل دووڤ (باسنیوز) دبێژیت” دەستھەلاتا ئێکەتیێ کاری بۆ جوانکرنا دەستھەلاتا کوردی ل ھەرێما کوردستانێ دکەت و ڕێ بۆ گەندەلیێ خوەش دکەت”.
گوت ژی” قوباد تالەبانی داخوازێ ژ مامۆستا و فەرمانبەر و کرێکارێن کوردستانێ دکەت خوە ل گەل ڤێ قەیرانا ئابووری یا بێ چارەسەریا حوکمەتا وی دا ب گونجینن، د ھەمان دەم دا قەبوول بکەن کو حوکمەتێ شیانێن دانا مووچان و دابینکرنا خزمەتگوزاریان نینە”.
گوت ژی” ئێکەتی سامانێ ملیاردێران دپارێزیت و نوکە 50 ملیاردێر دبن دەستھەلاتا ئێکەتیێ دا یێن ھەین، ژبلی ب سەدان ملیۆنێرێن ب دۆلاری کو ل بازارێ سەرمایەدارێن کوردستانێ یێن ژدایکبووین”.