ئێکەمین رۆژا کۆمبوونا پەرلەمانێ عیراقێ هاتە دەست نیشانکرن
ئەڤرۆ نیوز ، زنار تۆڤی:
رۆژا ٣ ئیلۆنا 2018 بۆ ئێکەمین کۆمبوونا پەرلەمانێ عیراقێ هاتە دەستنیشان کرن.
سەرۆک کۆمارێ عیراقێ رۆژا ٣ ئیلۆنا داهاتی بۆ ئەنجامدانا ئێکەمین روونشتنا پەرلەمانێ عیراقێ دیار کر.
لدووڤ مەرسوومەکێ کۆماری کو وێنەک گەهشتیە دەستێ ئەڤرۆ نیوز، ئەڤرۆ دوشەمبی ٢٧ تەباخا ٢٠١٨، فوئاد مەعسووم، سەرۆک کۆمارێ عیراقێ، لدووڤ مادێن ٥٤ و ٧٣ یێن دستورێ عیراقێ، داخواز ژ پەرلەمانێ هەلبژارتی یێ عیراقێ کریە، کو ئێکەمین کۆمبوونا خولا چارێ یا پەرلەمانێ عیراقێ، ل رۆژا دوشەمبێ ٣ ئیلۆنا ٢٠١٨ ب سەرۆکاتیا مەزنترین پەرلەمانتار ئەنجام بدەن.
