ئەردۆغان: رێ نادەین چو ئالی ئالۆزیان دروست بکەن
رجەب تەیب ئەردۆغانێ سەرۆک کۆمارێ تورکیا دیار کر، هەتا پەکەکە هەموو چەکێن خوە رادەست نەکەت و ب کریاری نەهێتە هلوەشاندن یاسایا ئاشتیێ ناهێتە بجهئینان و دڤێت هەموو داخوازیێن مە بجه بینن دا بشێن مفایێ ژ یاسایا ئاشتیێ ل تورکیا وەربگرن.
سەرۆک کۆمارێ تورکیا ئەو یەک ژی دیار کر، هندەک هێز دخوازن ئاستەنگان ل هەمبەر قووناغا تورکیا بێ تیرۆر دروست بکەن، بەری نها ژی وەکو تورکیا وان هۆشداری دابوو کو هندەک ئالی ناخوازن رەوشا تورکیا ئارام بیت و دخوازن ئالۆزی بەردەوام بن، لێ ئالیێن پەیوەندیدار ل تورکیا یا پێدڤی بۆ ئارامیێ دکەن.
ئەردۆغانی ئەو یەک ژی دیار کر، چو جوداهی د ناڤبەرا کوردان و تورکان دا نینە و هەموو وەلاتیێن تورکیا نە و مە دڤێت هەموو پێکڤە وەکو برا بژین، لێ هندەک ئالی یێ بزاڤان دکەن ئاستەنگان دروست بکەن و گۆت: (ئەم رێ نادەین جارەکا دی هندەک هێز ئاستەنگان دروست بکەن، چونکی مە دڤێت هەموو وەلاتیێن تورکیا د ناڤ ئارامی و ئاشتیێ دا بژین).
