ئەشواق جاف: ھندەک پەرلەمانتارێن کورد بووینە پارێزەرێن عەبادی
ئه‌ڤرۆ نيوز:
پەرلەمانتارەکا کورد لپەرلەمانێ عێراقێ بجە نە ئینانا دستووری ژلاێ سەرۆک وەزیرێن عێراقێ ئەگەرە ژ بۆی رێکنەکەفتنا ھەرێما کوردستانێ و بەغدا لدۆر ئاریشەیێن ناڤبەرا ھەردو حوکمەتا ھەروەسا دیارکر، بەنکا نێڤدەولەتی مەرج داناینە سەر عێراقێ ھەتا مافێن دارایێن ھەرێما کوردستانێ د بودجەیدا بجە بین.
دکتۆر ئەشواق جاف، پەرلەمانتاران فڕاکسیۆنا پارتی دیموکراتی کوردستان ل پەرلەمانێ عێراقێ بۆ رۆژناما ئەڤرۆ گۆت”حەیدەر عەبادی سەرۆک وەزیرێن عێراقێ دستووری وەک خوە بجە نا ئینە ئەف مادە و بڕگەھێن دستووری یێن د بەرژەوەندیا خەلکێ ھەرێما کوردستانێ دا ناھێنە بجە ئینان و بەرۆڤاژی ئەف مادێن دستووری یێن د بەرژەوەندیا عێراقێ دا تێنە بجە ئینان، چونکە ھەر دەمێ دستوور وەکە خوە بھێتە بجە ئینان ئەڤە د بەرژوەندیا ھەرێما کوردستانێ دایە، ئەڤەژی بۆیە ئەگەر ھەتا نوکە حوکمەتا عێراقێ و یا ھەرێما کوردستانێ نەگەھشتینە رێکەفتنێ، حەیدەر عەبادی سەرۆک وەزیرێن عێراقێ بۆ پڕۆپاگندەیێن ھەلبژارتنان مافێن قانوونیێن وەلاتیێن کوردستانێ بدەت، ئەڤەژی بۆڤێ چەندێ ڤەدگەڕیت عەبادی ترس ھەیە مافێن ھەرێما کوردستانێ بدەت ژلایێ ھەڤڕکێن وی یێن ھەلبژارتنان ھەمبەر عەبادی بکار بینن، عەبادی خوە ب قەھرەمانێ شەڕێ بەرھنگاریا داعش دزانیت، ئەڤە ددەمەکی دایە ھێزێن پێشمەرگەی چەپەرێن داعش ل مووسل شکاندینە و ھەتا پێشمەرگەی رێکنەڤەکری سوپا و حەشدا شەعبی نەشیان بچنە ناڤا مووسل.
ئەڤێ پەرلەمانتارا کورد گۆتژی” بەنکا نێڤدەولەتی مەرجێن داناینە بۆ عێراقێ کو دڤێت مافێت دارایی یێن ھەرێما کوردستانێ د بودجەیدا بھێنە جێھگیرکرن، سەرۆک وەزیرێن عێراقێ یێ سەرکەفتی نەبو د ئەڤان کۆنگرەیێن ل دەرڤە پشکداری کری، ئەڤە ژی بۆ نەدانا مافێن ھەرێما کوردستانێ ڤەدگەڕیت،پێشبینی دھێتەکرن جڤاکێ نێڤدەولەتی ئیدی ھاریکاریا عێراقێ نەکەت ژبەر شاشیێن بەغدا ھەمبەر نەدانا مافێن ھەرێما کوردستانێ.
دکتۆر ئەشواق جاف دیارکر”مخابن ھندەک پەرلەمانتارێن کورد ل بەغدا بووینە پارێزەرێن حەیدەر عەبادی سەرۆک وەزیرێن عێراقێ و نووری مالکی سەرۆک وەزیرێن بەرێ، ئەف پەرلەمانتار پڕۆژەیان دژی ھەرێما کوردستانێ پێشکەشی حوکمەتا عێراقێ دکەن، لەوڕا پێدڤیە ئەم ھەموو پێکڤە کار بکەین حەیدەر عەبادی بھێتە سەر مێزا دانوستانان کو ئایا ئەڤە ھەرێما کوردستانێ یە پێگیری دستوور و رێکەفتناما نینە یانژی ئەڤە بەغدای مافێن خەلکێ ھەرێما کوردستانێ بن پێدکەت.
